ଭୁବନେଶ୍ବର: ରାଜ୍ୟରେ କୋରୋନା ସଂକ୍ରମଣ ନିୟନ୍ତ୍ରଣରେ ରହିଛି । ପଶ୍ଚିମବଙ୍ଗରୁ ଯେଉଁମାନେ ଫେରୁଛନ୍ତି ସେମାନେ ସଂଗରୋଧରେ ରହିବେ। ବର୍ତ୍ତମାନ କୋରୋନା ସଂକ୍ରମଣ ସହ ମୁକାବିଲା କରିବାକୁ 11ହଜାରରୁ ଅଧିକ ଶଯ୍ୟା ପ୍ରସ୍ତୁତ ରହିଛି । 2 ହଜାର 7ଶହ ଶଯ୍ୟାରେ କୋରୋନା ଆକ୍ରାନ୍ତ ଚିକିତ୍ସିତ ହେଉଛନ୍ତି । ଏକ ସାମ୍ବାଦିକ ସମ୍ମିଳନୀରେ ଏହି ସୂଚନା ଦେଇଛନ୍ତି ଜନସ୍ବାସ୍ଥ୍ୟ ନିର୍ଦ୍ଦେଶକ ନିରଞ୍ଜନ ମିଶ୍ର ।
'ନିୟନ୍ତ୍ରଣରେ ଅଛି ରାଜ୍ୟର କୋରୋନା ସ୍ଥିତି, ପଶ୍ଚିମବଙ୍ଗ ଫେରନ୍ତା ରହିବେ କ୍ବାରେଣ୍ଟିନରେ'
ରାଜ୍ୟରେ ଅକ୍ସିଜେନର ଅଭାବ ନାହିଁ ବୋଲି କହିଛନ୍ତି ଜନସ୍ବସ୍ଥ୍ୟ ନିର୍ଦ୍ଦେଶକ । ଓଡ଼ିଶା ଏବେ ବାହାର ରାଜ୍ୟକୁ ଅକ୍ସିଜେନ ଯୋଗାଇ ଦେଉଛି। କୋରୋନା ସଂକ୍ରମଣକୁ ରୋକିବା ପାଇଁ ରାଜ୍ୟରେ ଆଵଶ୍ୟକତା ଅନୁଯାୟୀ ଶଯ୍ୟା ସଂଖ୍ୟା ବୃଦ୍ଧି କରାଯିବ। ରାଜ୍ୟକୁ ପ୍ରବାସୀମାନେ ଫେରିବାକୁ ପ୍ରସ୍ତୁତ ହେଉଛନ୍ତି। ସେମାନଙ୍କ ପାଇଁ ରାଜ୍ୟରେ ଘର ଚିହ୍ନଟ ହୋଇ ରହିଛି ।