କୋଭିଡ୍‌ ନିୟମ ଉଲ୍ଲଙ୍ଘନ ଅଭିଯୋଗ, ଅପରାଜିତାଙ୍କ ଅଫିସ ସିଲ୍‌ କଲା ବିଏମସି

ସାଂସଦ ଅପରାଜିତା ଷଡଙ୍ଗୀଙ୍କ ନାମରେ କୋଭିଡ୍‌ ନିୟମ ଉଲ୍ଲଙ୍ଘନ ଅଭିଯୋଗ ପରେ ବିଏମସି ପକ୍ଷରୁ କାର୍ଯ୍ୟାନୁଷ୍ଠାନ ଗ୍ରହଣ । ତାଙ୍କ ଅଫିସକୁ ସିଲ୍‌ କଲା ବିଏମସି । ଅଧିକ ପଢନ୍ତୁ...

ଭୁବନେଶ୍ବର: ଭୁବନେଶ୍ବର ସାଂସଦ ତଥା ବିଜେପି ରାଷ୍ଟ୍ରୀୟ ମୁଖପାତ୍ର ଅପରାଜିତା ଷଡଙ୍ଗୀଙ୍କ ଅଫିସ ସିଲ୍‌ । କୋଭିଡ ଗାଇଡଲାଇନ ଉଲ୍ଲଙ୍ଘନ ଅଭିଯୋଗରେ ଅଫିସ ସିଲ କଲା ବିଏମସି।

ଶନିବାର ଭୁବନେଶ୍ବର ମହାନଗର ନିଗମ ଦକ୍ଷିଣ ପଶ୍ଚିମ ଜୋନ ପକ୍ଷରୁ ଭୁବନେଶ୍ବର ସାଂସଦ ଅପରାଜିତାଙ୍କ ପଲ୍ଲାସପଲ୍ଲୀ ସ୍ଥିତ ଅଫିସ ସିଲ କରାଯାଇଥିବା ସୂଚନା ମିଳିଛି । ସୂଚନାଥାଉକି, ଗତ ଅକ୍ଟୋବର 8 ତାରିଖରେ ଅପରାଜିତାଙ୍କ ଜନ୍ମଦିବସରେ ନାଚଗୀତ କରି କୋଭିଡ ନିୟମ ଉଲ୍ଲଙ୍ଘନ କରିଥିବାର ଏକ ଭିଡିଓ ସାମାଜିକ ଗଣମାଧ୍ୟମରେ ଘୂରି ବୁଲିଥିଲା।

ଏହାକୁ ନଜରରେ ରଖି ଆଗାମୀ 15 ଦିନ ପାଇଁ ସାଂସଦଙ୍କ ଅଫିସ ସିଲ କରିଛି ବିଏମସି । ତେବେ 15 ଦିନ ପରେ ଉକ୍ତ ଅଫିସକୁ ସାନିଟାଇଜ କରାଯିବ ବୋଲି ବିଏମସି ପକ୍ଷରୁ ନୋଟିସ ଜାରି କରାଯାଇଥିବା ଜଣାପଡିଛି।

ଭୁବନେଶ୍ବରରୁ ସଞ୍ଜୀବ ରାୟ, ଇଟିଭି ଭାରତ