ଭୁବନେଶ୍ବର: ପ୍ରଧାନମନ୍ତ୍ରୀ ଆବାସ ଯୋଜନାରେ ଦୁର୍ନୀତିର ପ୍ରମାଣ ଦେଲା ବିଜେପି । ମାହାଙ୍ଗା ନିର୍ବାଚନମଣ୍ଡଳୀରେ ବ୍ୟାପକ ଦୁର୍ନୀତି ହୋଇଥିବା ଅଭିଯୋଗ କଲା ଦଳ । ପୂର୍ବରୁ ବିଜେପିର ଅଭିଯୋଗକୁ ନେଇ ପ୍ରମାଣ ମାଗିଥିଲେ ମନ୍ତ୍ରୀ ପ୍ରତାପ ଜେନା ।
ଭିଡିଓ ସୌଜନ୍ୟ: ସମ୍ବାଦଦାତା, ଭୁବନେଶ୍ବର
ଆଜି(ରବିବାର) ସାମ୍ବାଦିକ ସମ୍ମିଳନୀରେ ପ୍ରଧାନମନ୍ତ୍ରୀ ଆବାସ ଯୋଜନାରେ ଦୁର୍ନୀତି ହୋଇଥିବା କହିଛି ଦଳ । ଏହି ଅବସରରେ ବିଜେପି ନେତା ଶାରଦା ପ୍ରଧାନ କହିଛନ୍ତି,‘ତାଙ୍କ ପାଖରେ 5000ରୁ ଅଧିକ ଦୁର୍ନୀତି ଘଟଣାରେ ପ୍ରମାଣ ରହିଛି ।’ ଏହା ସହ ନୃତାଙ୍ଗ ପଞ୍ଚାୟତର 4 ଜଣ ଧନୀ ଲୋକ ପ୍ରଧାନମନ୍ତ୍ରୀ ଆବାସ ପାଇଥିବା ମଧ୍ୟ ସେ କହିଛନ୍ତି । 4 ଜଣଙ୍କ ଭିତରୁ କଟକ ଜିଲ୍ଲା ବିଜେଡି ସାଧାରଣ ସମ୍ପାଦକ ତ୍ରିଲୋଚନ ସ୍ବାଇଁଙ୍କ ସହ ବାକି 3 ଜଣ ବି ବିଜେଡି ନେତା ବୋଲି ସେ କହିଛନ୍ତି।