ଭୁବନେଶ୍ବର: ଦୁର୍ନୀତିକୁ ନେଇ ରାଜ୍ୟ ସରକାରଙ୍କ ଉପରେ ବର୍ଷିଲା BJP । ସାମ୍ବାଦିକ ସମ୍ମିଳନୀ କରି ନନ୍ଦାହାଣ୍ଡି ଦୁର୍ନୀତି ପେଡି ଖୋଲିଛି । ବିଧାୟକ ମନହୋର ରନ୍ଧାରୀଙ୍କୁ ପୂର୍ବତନ ସାଂସଦ ବଳଭଦ୍ର ମାଝୀଙ୍କ ଟାର୍ଗେଟ କରିଛନ୍ତି । 2006ରୁ 2008 ମଧ୍ୟରେ ନନ୍ଦାହାଣ୍ଡି ବ୍ଳକ ସିନିଅର କ୍ଲର୍କ ତଥା ଷ୍ଟୋର ଇନଚାର୍ଜ ଥିବାବେଳେ 11ଲକ୍ଷ ଟଙ୍କାର ଦୁର୍ନୀତି ହୋଇଛି ବୋଲି କହିଛନ୍ତି ବିଜେପି ଉପସଭାପତି ବଳଭଦ୍ର ମାଝୀ । ସରକାରୀ ଟଙ୍କା ହଡପ ସହିତ ଅନେକ ଅନିୟମିତତା ହୋଇଥିବା ସଙ୍ଗୀନ ଅଭିଯୋଗ ହୋଇଛି ।
ବିଜେପି ସାମ୍ବାଦିକ ସମ୍ମିଳନୀ
ପଞ୍ଚାୟତିରାଜ ବିଭାଗ ଦ୍ଵାରା ହୋଇଥିବା ସ୍ପେସାଲ୍ ଅଡିଟରୁ ଜଣାପଡ଼ିଥିଲା ବ୍ଳକରେ 1 କୋଟି 4 ଲକ୍ଷ ଟଙ୍କାର ଦୁର୍ନୀତି ହୋଇଛି । ମନହୋର ରନ୍ଧାରୀଙ୍କ ଠାରୁ ଏହି ଟଙ୍କା ପୈଠ ପାଇଁ ବି ଲେଖା ହୋଇଥିଲା । ସେ 2022ରେ ମାତ୍ର 6 ଲକ୍ଷ 29 ହଜାର ଟଙ୍କା ଡିପୋଜିଟ କରିଛନ୍ତି । 2009ରେ ଇସ୍ତଫାକୁ ଗ୍ରହଣ କରି ତାଙ୍କ ବିରୋଧରେ କୌଣସି ରିକୋଭରି ନଥିବା ବିଡିଓ ଦେଇଥିବା ରିପୋର୍ଟ ଉପରେ ପ୍ରଶ୍ନ କରିଛି ବିଜେପି ।