ଭୁବନେଶ୍ବର: କୋରୋନା ସତର୍କତା ରାଜ୍ୟର ସମସ୍ତ ସ୍ବତନ୍ତ୍ର ସ୍କୁଲ ଓ ଥେରାପି ସେଣ୍ଟର ହଷ୍ଟେଲ ବନ୍ଦ ରଖିବାକୁ ସରକାର ନିଷ୍ପତ୍ତି ନେଇଛନ୍ତି। ଏ ସୂଚନା ଦେଇଛନ୍ତି ରାଜ୍ୟ ସରକାରଙ୍କ ସାମାଜିକ ସୁରକ୍ଷା ଓ ଭିନ୍ନକ୍ଷମ ସଶକ୍ତିକରଣ ବିଭାଗ । ଯାହା ଆସନ୍ତା 25 ତାରିଖ ଠାରୁ ଜୁନ 30 ଯାଏ ବନ୍ଦ ରହିବ।
କୋରୋନା ସତର୍କତା : ବନ୍ଦ ରହିବ ରାଜ୍ୟର ସମସ୍ତ ସ୍ୱତନ୍ତ୍ର ସ୍କୁଲ ଓ ଥେରାପି ସେଣ୍ଟର
ସାମାଜିକ ସୁରକ୍ଷା ଓ ଭିନ୍ନକ୍ଷମ ସଶକ୍ତିକରଣ ବିଭାଗ ବିଭାଗୀୟ ମନ୍ତ୍ରୀ ଅଶୋକ ଚନ୍ଦ୍ର ପଣ୍ଡା ଏନେଇ ବିଭାଗ ପକ୍ଷରୁ ନିଷ୍ପତ୍ତି ହୋଇଥିବା କହିଛନ୍ତି । ଏହି ବନ୍ଦ ସମୟରେ ଅନ୍ତେବାସୀ ମାନଙ୍କୁ ସେମାନଙ୍କ ଘରେ ପହଞ୍ଚାଇବା ପାଇଁ ବ୍ୟବସ୍ଥା କରାଯାଇଛି।ଏହା ସହ ଏହି ସମୟ ମଧ୍ୟରେ ସେମାନଙ୍କ ଖାଇବା ପାଇଁ ଆସୁଥିବା ସରକାରୀ ଅର୍ଥ ତାଙ୍କ ପିତାମାତାଙ୍କୁ ପ୍ରଦାନ କରାଯିବ ବୋଲି ପଣ୍ଡା କହିଛନ୍ତି।