ଭୁବନେଶ୍ବର: କୋରୋନା ଯୁଦ୍ଧକୁ ଏକ ମାସ ପୂରଣ ହୋଇଛି । ସେପଟେ ଏହି ସମୟରେ ରାଜ୍ୟ ସରକାର ନେଇଥିବା ପଦକ୍ଷେପକୁ ଅନ୍ତର୍ଜାତୀୟ ସ୍ତରରେ ପ୍ରଶଂସା କରାଯାଇଛି। ସେହିପରି ଆଗାମୀ ଦିନରେ ମଧ୍ୟ ରାଜ୍ୟରେ କୋରୋନା ମୁକାବିଲା ପାଇଁ ଅଧିକରୁ ଅଧିକ ପଦକ୍ଷେପ ନିଆଯିବ ବୋଲି ଆଜି ସାମ୍ବାଦିକ ସମ୍ମିଳନୀରେ କହିଛନ୍ତି ସରକାରଙ୍କ ମୁଖପାତ୍ର ସୁବ୍ରତ ବାଗଚୀ ।
କୋରୋନା ଯୁଦ୍ଧକୁ ଏକ ମାସ ପୂର୍ତ୍ତି, ଓଡିଶାର ପଦକ୍ଷେପକୁ ଅନ୍ତର୍ଜାତୀୟସ୍ତରରେ ପ୍ରଶଂସା
ରାଜ୍ୟରେ ମାର୍ଚ୍ଚ15 ରୁ କୋରୋନା ମହାମାରୀ ପାଇଁ ସରକାର ବିଭିନ୍ନ ପଦକ୍ଷପ ନେଇଥିଲେ। ପ୍ରଥମ ଦିନ ରୁ 250 ରୁ 300 ଟେଷ୍ଟ କରାଯାଉଥିବା ବେଳେ ବର୍ତ୍ତମାନ ସମୟରେ 700 ଟେଷ୍ଟ କରାଯାଉଛି। ବର୍ତ୍ତମାନ ସମୟରେ ରାଜ୍ୟରେ 60 ଟି ପଜେଟିଭ କେସ ବାହାରିଛି।
ସେହିପରି ମୁଖ୍ୟମନ୍ତ୍ରୀ ବିଭିନ୍ନ ସମୟରେ କୋଭିଡ 19 ଉପରେ ସମୀକ୍ଷା କରିଛନ୍ତି। ଏକ ସପ୍ତାହ ମଧ୍ୟରେ 35 ଟି କୋଭିଡ 19 ହସ୍ପିଟାଲକୁ କାର୍ଯ୍ୟକ୍ଷମ କରିବା ପାଇଁ ନିର୍ଦ୍ଦେଶ ଦେଇଛନ୍ତି। ବର୍ତ୍ତମାନ ରାଜ୍ୟରେ 20 ଟି ହସ୍ପିଟାଲ କାର୍ଯ୍ୟକ୍ଷମ ହୋଇଗଲାଣି। 18 ଜିଲ୍ଲା ଏଥିରେ ସାମିଲ ହୋଇଛନ୍ତି ।