ଭୁବନେଶ୍ବର: ବରମୁଣ୍ଡା ବସଷ୍ଟାଣ୍ଡରେ କରୋନା ସଚେତନତା । କରୋନା ମୁକାବିଲା ପାଇଁ ରାଜ୍ୟ ସରକାର ତତ୍ପର । ବିଭିନ୍ନ ବିଭାଗକୁ ନିର୍ଦେଶ ଦିଆଯାଇଛି କରୋନାକୁ ନେଇ ବ୍ୟାପକ ସଚେତନତା ସୃଷ୍ଟି କରିବା ପାଇଁ । ଏବଂ କରୋନା ସମ୍ପର୍କରେ , କରୋନାର ମୁକାବିଲା ପାଇଁ ଘନ ଘନ ବୈଠକ ବସୁଛି । ଏନେଇ ବାସ୍ତବତା କଣ ଆମେ ପହଁଚିଥିଲୁ ଓଡ଼ିଶାର ଲାଇଫ ଲାଇନ କୁହାଯାଉଥିବା ଭୁବନେଶ୍ବର ବରମୁଣ୍ଡା ବସଷ୍ଟାଣ୍ଡରେ ।
ରାଜ୍ୟ ବସ ମାଲିକ ଅସୋସିଏସନର ଯୁକ୍ତି, ଯାତ୍ରୀମାନଙ୍କ ପାଇଁ ସମସ୍ତ ପ୍ରକାର ବ୍ୟବସ୍ଥା କରାଯାଇଛି । ପ୍ରତି ବସରେ ହ୍ୟାଣ୍ଡ ସାନିଟାଇଜର ରଖାଯାଇଛି । ଡାକ ବାଜି ଯନ୍ତ୍ର ଦ୍ବାରା ଯାତ୍ରୀଙ୍କୁ ସଚେତନ କରାଯାଉଛି । ହେଲେ ରିଆଲିଟି ସମ୍ପୂର୍ଣ୍ଣ ଭିର୍ଣ୍ଣ । ଆମେ ଦେଖିଥିଲୁ କୌଣସି ଗୋଟିଏ ବସରେ ସାନିଟାଇଜର ନଥିଲା ଏବଂ ଯାତ୍ରୀଙ୍କ ମଧ୍ୟ ସମାନ ଅଭିଯୋଗ ଥିଲା । ରାଜ୍ୟ ସରକାର କରୋନାକୁ ରାଜ୍ୟ ବିପର୍ଯ୍ୟୟ ବୋଲି ଘୋଷଣା କରିଛନ୍ତି । ଏଥିପାଇଁ ତୃଣମୂଳ ସ୍ତରରୁ ଉଚ୍ଚସ୍ତର ପର୍ଯ୍ୟନ୍ତ ସବୁଠି ମୁକାବିଲା ପାଇଁ ସରକାର କର୍ମଚାରୀଙ୍କୁ ନିର୍ଦେଶ ଦିଆଯାଇଛି । ଲୋକଙ୍କୁ ଏକାଠି ନରହିବା ପାଇଁ ଏବଂ ସଭା ସମିତି କରିବାକୁ ବାରଣ କରାଯାଇଛି । ଏବଂ ସବୁ ବିଭାଗକୁ ନିର୍ଦେଶ ଦିଆଯାଇଛି ବ୍ୟାପକ ପଦକ୍ଷେପ ଗ୍ରହଣ କରିବାକୁ ।