ଭୁବନେଶ୍ବର: କୋରୋନା ସଂକ୍ରମଣକୁ ଦୃଷ୍ଟିରେ ରଖି ରାସନ ସାମଗ୍ରୀ ନେବା ବେଳେ ଫିଙ୍ଗର ପ୍ରିଣ୍ଟକୁ ପରବର୍ତ୍ତୀ ନିର୍ଦ୍ଦେଶ ଯାଏ ସ୍ଥଗିତ ପାଇଁ ଯୋଗାଣ ମନ୍ତ୍ରୀ ନିର୍ଦ୍ଦେଶ ଦେଇଛନ୍ତି । ଆଧାର ବାୟୋମେଟ୍ରିକ ପାଇଁ ଫିଙ୍ଗର ପ୍ରିଣ୍ଟ ସ୍କାନର, ଆଇରିସ ବ୍ୟବସ୍ଥା ବନ୍ଦ କରାଯାଇଛି। କଣ୍ଟ୍ରୋଲ ଦୋକାନୀ ମାନେ ସାମଗ୍ରୀ ଦେବାବେଳେ ହିତାଧିକାରୀଙ୍କ ଟିପ ଚିହ୍ନ ଓ ଆଇରିସ୍ ମେସିନ୍ ବାଧ୍ୟତାମୂଳକ ବୋଲି ସରକାର କହିବା ପରେ ଭୟଭୀତ ଥିଲେ କଣ୍ଟ୍ରୋଲ ଦୋକାନୀ।
ପୂର୍ବରୁ ଭୁବନେଶ୍ଵରରେ କମ୍ କୋରୋନା ରୋଗୀ ଥିବାବେଳେ ବିନା ବାୟୋମେଟ୍ରିକରେ ସାମଗ୍ରୀ ଦିଆଯାଉଥିଲା। ତେଣୁ କିଛି କଣ୍ଟ୍ରୋଲ ଦୋକାନୀ ମାନେ ଚଳିତ ମାସ ଏକ ତାରିଖରୁ କୌଣସି ସାମଗ୍ରୀ ହିତାଧିକାରୀଙ୍କୁ ଦେଉ ନଥିଲେ। ଗୋଟିଏ ପଟେ ସରକାର ସାମାଜିକ ଦୂରତ୍ବ ବଜାୟ ରଖିବାକୁ ଡିଣ୍ଡିମ ପିଟୁଥିବା ବେଳେ ଅନ୍ୟପଟେ ଲକ୍ଷ ଲକ୍ଷ ଲୋକଙ୍କୁ କରୋନାରେ ସଂକ୍ରମିତ ହେବା ପାଇଁ ଯୋଜନା କରୁଛନ୍ତି ବୋଲି ସେମାନେ କହିଥିଲେ।