ଭୁବନେଶ୍ବର: ଓଡ଼ିଶାର ଗଣପର୍ବ ହେଉଛି ରଜ । ପ୍ରତିବର୍ଷ ଏହାକୁ ମହା ଆଡ଼ମ୍ବର ସହକାରେ ପାଳନ କରାଯାଏ । କିନ୍ତୁ କୋରୋନା ମହାମାରୀ ଯୋଗୁଁ ଚଳିତ ବର୍ଷ ରଜ ପାଇଁ ଅନେକ କଟକଣା ରହିଛି । ତେବେ ଏହା ମଧ୍ୟରେ ବି ରାଜଧାନୀର ବିଭିନ୍ନ କଲୋନୀ ଓ ବସ୍ତି ଅଞ୍ଚଳରେ ଆନନ୍ଦ ଉତ୍ସବର ସହ ରଜ ପାଳନ କରାଯାଉଛି ।
ଲକଡାଉନ କଟକଣା ଭିତରେ ରଜ ପାଳିଲେ ରାଜଧାନୀବାସୀ
ଶହ ଶହ ସଂଖ୍ୟାରେ ଲୋକମାନେ ଏକତ୍ରିତ ହୋଇ ଏହି ପର୍ବ ପାଳନ କରୁଥିବେଳେ ସାପ୍ତାହିକ ସଟ ଡାଉନ କଟକଣା ଯୋଗୁଁ ଲୋକମାନେ ଘରୁ ବାହାରୁନଥିବା ଦେଖିବାକୁ ମିଳୁଛି । ଫଳରେ ଗାଁ ମୁଣ୍ଡ, ସାହି ଓ ବସ୍ତିରେ ହେଉଥିବା ରଜ ଆସର ଦେଖିବାକୁ ମିଳୁନଥିଲେ ମଧ୍ୟ ବସ୍ତି ଓ କଲୋନୀ ଅଞ୍ଚଳରେ ପିଲାମାନେ ଛୋଟ ଛୋଟ ଦୋଳି ଲଗାଇ ଖେଳୁଥିବା ଦେଖିବାକୁ ମିଳିଛି ।