ଭୁବନେଶ୍ବର: ମହାମାରୀ କୋରୋନା ମୁକାବିଲା ପାଇଁ ବୁଧବାରଠୁ ଭୁବନେଶ୍ବରରେ ସେରୋଲୋଜିକାଲ ସର୍ଭେ ଆରମ୍ଭ ହୋଇଛି । ଭୁବନେଶ୍ବର ସହର ସମେତ ଗଞାମ ଓ ଗଜପତି ଜିଲ୍ଲାରେ ମଧ୍ୟ ସର୍ଭେ ହେବ । ଓଡ଼ିଶାରେ କୋରୋନା ଜନିତ ଗୋଷ୍ଠୀ ସଂକ୍ରମଣ ହୋଇଛି କି ନାହିଁ ଏହି ଟେଷ୍ଟ ପରେ ସ୍ପଷ୍ଟ ହେବ । ହେଲେ କଣ୍ଟେନମେଣ୍ଟ ଜୋନର ଆବଶ୍ୟକତା ରହିଛି । ଯେଉଁଠି ଗୋଟେ କୋରୋନା ପଜିଟିଭ ବାହାରିବେ ସେଠାରେ କଣ୍ଟେନମେଣ୍ଟ ଜୋନ ହେବନି । ମାତ୍ର ଗୋଟିଏ ନିର୍ଦ୍ଦିଷ୍ଟ ଅଞ୍ଚଳରୁ ଅଧିକ କେସ ବାହାରିଲେ ଏହାକୁ କଣ୍ଟେନମେଣ୍ଟ ଜୋନ ଘୋଷଣା କରାଯିବ ।
ସେରୋଲୋଜିକାଲ୍ ଟେଷ୍ଟ ଆରମ୍ଭ
ଏହାସହ 50 ପ୍ରତିଶତ କର୍ମଚାରୀରେ ଅଫିସ ଚାଲିବ । ଏହାର ତଦାରଖ ନେଇ ଜଣେ ନୋଡାଲ ଅଫିସରଙ୍କୁ ସବୁ ସରକାରୀ ବିଭାଗରେ ରହିବେ । ସେମାନେ କୋଭିଡ୍ ନିୟମ ପାଳନ ହେଉଛି ନା ନାହିଁ ତାଉପରେ ନଜର ରଖିବେ । ଲଗାତାର ରାଜ୍ୟରେ କୋରୋନା ଆକ୍ରାନ୍ତ ବୃଦ୍ଧି ପାଉଥିବାରୁ ଏବେଠାରୁ ଜୁଲାଇର ସ୍ଥିତି ଆକଳନ କରିବା କଷ୍ଟକର ବୋଲି କହିଛନ୍ତି ଜନସ୍ବାସ୍ଥ୍ୟ ନିର୍ଦ୍ଦେଶକ ନିରଞ୍ଜନ ମିଶ୍ର ।