ଭୁବନେଶ୍ବର: ଆଜି ପ୍ରଥମ ପର୍ଯ୍ୟାୟରେ ଏକ ନମ୍ବର ପରିବା ମାର୍କେଟରୁ ଭିଡ ହଟାଇବା ସହ ସାମାଜିକ ଦୂରତ୍ବ ରକ୍ଷା ପାଇଁ ରାଜମହଲ ରାସ୍ତା ଓ ମଦର ପବ୍ଲିକ ସ୍କୁଲ ପଡିଆକୁ ବ୍ୟବସାୟୀଙ୍କୁ ସ୍ଥାନାନ୍ତର କରାଯାଇଛି। ଅନ୍ୟ ସ୍ଥାନଗୁଡିକରେ ମଧ୍ୟ ସୁବିଧା ଦେଖି ଏହି ବ୍ୟବସ୍ଥା ଗ୍ରହଣ କରାଯିବ । ଏନେଇ ସୂଚନା ଦେଇଛନ୍ତି ଭୁବନେଶ୍ବର ମହାନଗର ନିଗମର ଡେପୁଟି କମିଶନର ଅଂଶୁମାନ ରଥ।
କୋରୋନା ସତର୍କତା: ପର୍ଯ୍ୟାୟକ୍ରମେ ଅନ୍ୟ ଖୋଲାସ୍ଥାନରେ ଖୋଲିବ ହାଟ
ସେହିପରି ଆଗାମୀ ଦିନରେ ଗ୍ରୋସରୀ ଦୋକାନକୁ ଦିନେ ଛଡା ଦିନେ କିମ୍ବା ସକାଳ ଓ ଅପରାହ୍ନ ସମୟ ନିର୍ଘଣ୍ଟ ଅନୁସାରେ ଖୋଲିବା ପାଇଁ ବ୍ୟବସ୍ଥା ହେଉଥିବା ସେ କହିଛନ୍ତି। ଯେହେତୁ ଏହା ଏକ ମହାମାରୀର ରୂପ ଧାରଣ କରୁଛି ଆଉ ଏହା ଏକାଧିକ ଲୋକଙ୍କ ସଂସ୍ପର୍ଶରେ ଅଧିକ ବ୍ୟାପିବାର ଆଶଙ୍କା ରହିଛି। ତେଣୁ ସୁରକ୍ଷା ଦୃଷ୍ଟିରୁ ଏହି ବ୍ୟବସ୍ଥା ଗ୍ରହଣ ହେଉଥିବା ସେ କହିଛନ୍ତି।