ଭୁବନେଶ୍ବର: କୋରୋନା ଭାଇରସକୁ ନେଇ ସାରା ବିଶ୍ବ ଚିନ୍ତିତ ରହିଛି । ଭାରତରେ ବି କୋରୋନା ଆକ୍ରାନ୍ତଙ୍କ ସଂଖ୍ୟା ବଢିବାରେ ଲାଗିଛି । ଏପରି ସ୍ଥିତିରେ କୋରୋନା ସହ ଲଢେଇ ପାଇଁ ସରକାର କିପରି ପ୍ରସ୍ତୁତ ହେଉଛନ୍ତି ସେନେଇ ସାମ୍ବାଦିକ ସମ୍ମିଳନୀରେ ଜଣାଇଛନ୍ତି ରାଜ୍ୟ ସରକାରଙ୍କ ମୁଖପାତ୍ର ସୁବ୍ରତ ବାଗ୍ଚୀ ।
ରାଜ୍ୟ ସରକାରଙ୍କ ମୁଖପାତ୍ର ସୁବ୍ରତ ବାଗ୍ଚୀ କହିଛନ୍ତି ଯେ ଭାରତରେ କୋରୋନା ଭାଇରସ ସଂକ୍ରମିତ ୧୪୮ ଜଣ ମଧ୍ୟରୁ ୩ ଜଣଙ୍କର ମୃତ୍ୟୁ ହୋଇଛି । ଓଡିଶାରେ ୪୭ ଜଣଙ୍କ ରକ୍ତ ନମୁନା ପରୀକ୍ଷା କରାଯାଇଥିବା ବେଳେ ୪୬ଟି ନେଗେଟିଭ ଆସିଛି । ରାଜ୍ୟର ଏକମାତ୍ର ଆକ୍ରାନ୍ତ ରୋଗୀଙ୍କ ଅବସ୍ଥା ଏବେ ସ୍ଥିର ରହିଛି । ରାଜ୍ୟରେ କୋରୋନା ମୁକାବିଲା ପାଇଁ ୫୪୦ଟି ବେଡ୍ ରହିଛି । ବିଭିନ୍ନ ଜିଲ୍ଲା ଚିକିତ୍ସାଳୟରେ ବ୍ୟାପକ ବ୍ୟବସ୍ଥା କରାଯାଇଛି । ସେହିପରି କଲ ସେଣ୍ଟର ଜରିଆରେ ୨୪ ଘଣ୍ଟାରେ ୫୨୦୨ଟି କଲ ଆସିଛି । ଅର୍ଥାତ ପ୍ରତି ଘଣ୍ଟାରେ ୮୦ ଜଣ ଲୋକ ନିଜର ରେଜିଷ୍ଟ୍ରେସନ କରାଉଛନ୍ତି । ବର୍ତ୍ତମାନ ସୁଦ୍ଧା କଲ ସେଣ୍ଟର ଓ ୱେବସାଇଟ ମାଧ୍ୟମରେ ମୋଟ ୨୧୩୧ଟି ଜଣ ରେଜିଷ୍ଟର ହୋଇଛନ୍ତି । ଏମାନଙ୍କ ମଧ୍ୟରୁ ସର୍ବାଧିକ ୟୁଏଇରୁ ଅଛନ୍ତି ବୋଲି ଜଣାପଡିଛି ।