ଭୁବନେଶ୍ବର: ସଙ୍ଘବଧ ଭାବେ କନଷ୍ଟେବଳକୁ ଆକ୍ରମଣ । ଜୁଏଲାରୀ ଲୁଟିବାକୁ ଆସିଥିବା ଲୁଟେରା କଲେ ଲହୁଲୁହାଣ । ଏମିତି ଏକ ଚାଞ୍ଚଲ୍ୟକର ଘଟଣା ସାମ୍ନାକୁ ଆସିଛି ବଡଗଡ ଥାନା ଅଞ୍ଚଳରୁ।
ରାଜଧାନୀରେ ଲୁଟେରାଙ୍କ ଆତଙ୍କରାଜ, ଥାନାସାମ୍ନାରେ କନଷ୍ଟେବଳକୁ କଲେ ଲହୁଲୁହାଣ
ସୂଚନାନୁଯାୟୀ, ବଡଗଡ ଥାନାର କନଷ୍ଟେବଳ ଧିରେନ୍ଦ୍ର କୁମାର ସାହୁଙ୍କୁ ଲୁଟେରା କରିଛନ୍ତି ମରଣାନ୍ତକ ଆକ୍ରମଣ। ଗତ ଶନିବାର ବିଳମ୍ବିତ ରାତିରେ ଘଟିଛି ଘଟଣା । ରାତି ପ୍ରାୟ ୨ଟା ସମୟରେ ଥାନା ସାମ୍ନାରେ ଥିବା ଏକ ଜୁଏଲାରୀ ଦୋକାନ ପାଖରେ ଠିଆ ହୋଇଥିଲେ କିଛି ଯୁବକ। ଏକ ଟ୍ରାଭେରା ଯୋଗେ ଆସି ଜୁଏଲାରୀ ଦୋକାନ ତାଡିବା ପାଇଁ ଉଦ୍ୟମ ବେଳେ କନଷ୍ଟେବଳ ଜଣକ ସେଠାରେ ପହଞ୍ଚିଥିଲେ। ପରେ ସାମ୍ନାରେ ଦୁଇ ଜଣଙ୍କୁ ଏଠି କଣ କରୁଛ ବୋଲି ପଚାରିବା ସମୟରେ ହଠାତ୍ ପଛପଟୁ ଏକ ରଡ଼ ଜରିଆରେ ତାଙ୍କ ମୁଣ୍ଡକୁ ଦୁଇ ଜଣ ଆକ୍ରମଣ କରିଥିଲେ।