ଭୁବନେଶ୍ବର: 2G ସ୍ପେକ୍ଟ୍ରମ ଦୁର୍ନୀତିରେ ଉପା ସରକାରକୁ ବଦନାମ କରାଯାଇଥିବା ଅଭିଯୋଗ କରି ଉଭୟ ମୋଦି ସରକାର ଓ ତତ୍କାଳୀନ ସିଏଜି ବିନୋଦ ରାୟଙ୍କୁ ସମାଲୋଚନା କଲେ ବରିଷ୍ଠ କଂଗ୍ରେସ ନେତା ତଥା AICC ସାଧାରଣ ସମ୍ପାଦକ ମୋହନ ପ୍ରକାଶ । କଂଗ୍ରେସ ଭବନରେ ଏକ ସାମ୍ବାଦିକ ସମ୍ମିଳନୀରେ ଏପରି ଅଭିଯୋଗ ଆଣି ବର୍ଷିଛନ୍ତି ମୋହନ ।
2G ସ୍ପେକ୍ଟ୍ରମ ଦୁର୍ନୀତି ଏକ ଷଡଯନ୍ତ୍ର: କଂଗ୍ରେସ
ମୋହନ କହିଛନ୍ତି, 2G ସ୍ପେକ୍ଟ୍ରମ ମହାଦୁର୍ନୀତିରେ କଂଗ୍ରେସର ସମ୍ପୃକ୍ତି ନେଇ ସେ ଭୁଲ ତଥ୍ୟ ପ୍ରଦାନ କରିଥିଲେ ବୋଲି ନ୍ୟାୟାଳୟରେ ସତ୍ୟପାଠ କରିଛନ୍ତି ତତ୍କାଳୀନ ସିଏଜି ବିନୋଦ ରାୟ । ଏହା ପ୍ରମାଣିତ କରୁଛି ୟୁପିଏର ମନମୋହନ ସରକାରକୁ ବଦନାମ କରିବା ପାଇଁ ସାଙ୍ଘାତିକ ଷଡଯନ୍ତ୍ର ହୋଇଥିଲା । ଗତ ଅକ୍ଟୋବର 18 ତାରିଖରେ ପୂର୍ବତନ CAG ବିନୋଦ ରାୟ କୋର୍ଟରେ ନିଃସର୍ତ୍ତମୂଳକ କ୍ଷମା ପ୍ରାର୍ଥନା କରିବା ଏହି ଷଡଯନ୍ତ୍ରକୁ ପଦାରେ ପକାଇଛି ବୋଲି କହିଛନ୍ତି ମୋହନ।