ଭୁବନେଶ୍ବର: ପୁରୀ ଗଣଦୁଷ୍କର୍ମ ଘଟଣାକୁ ନେଇ ଛାତ୍ର କଂଗ୍ରେସର ରଣ ହୁଙ୍କାର । ମଙ୍ଗଳବାର ଜଟଣୀ ବିଧାୟକ ସୁର ରାଉତରାୟଙ୍କ ନେତୃତ୍ବରେ ନବୀନ ନିବାସ ଘେରାଉ ଉଦ୍ୟମ କରିଥିଲା ଛାତ୍ର କଂଗ୍ରେସ । ଯାହାକୁ ନେଇ ଶିଶୁ ଭବନ ଛକରେ ଛାତ୍ର ନେତା ଓ ପୋଲିସ ମଧ୍ୟରେ ହୋଇଥିଲା ଧସ୍ତାଧସ୍ତି ।
ବ୍ୟାରିକେଡ ଭାଙ୍ଗି ନବୀନ ନିବାସ ଅଭିମୁଖେ ଯାଉଥିବା ବେଳେ ଅଟକାଇଥିଲା ପୋଲିସ । ଛାତ୍ର ନେତାଙ୍କୁ ପୋଲିସ ଗିରଫ କରିଛି । ପୁରୀ ଘଟଣାରେ ନବୀନ ପଟ୍ଟନାୟକ ଇସ୍ତଫା ନଦେଲେ ବୁଧବାର ମୁଖ୍ୟମନ୍ତ୍ରୀଙ୍କୁ ଭୁବନେଶ୍ବର ମନା ଓ ରାଜ୍ୟ ଗୃହମନ୍ତ୍ରୀଙ୍କୁ ଅଣ୍ଡାମାର ଧମକ ଦେଇଛି ଛାତ୍ର କଂଗ୍ରେସ । ରାଜ୍ୟ ଛାତ୍ର କଂଗ୍ରେସର ସଂଯୋଜକ ୟାସିର ନୱାଜଙ୍କ ନେତୃତ୍ବରେ ଆନ୍ଦୋଳନକୁ ଓହ୍ଲାଇଥିଲେ ଦଳର କର୍ମକର୍ତ୍ତା ।
ଭୁବନେଶ୍ବରରୁ ତାପସ ପରଡା, ଇଟିଭି ଭାରତ