ଭୁବନେଶ୍ବର: ସଶକ୍ତ ହେବ କଂଗ୍ରେସ । ବିରୋଧୀ ବିଜେପି ଓ ବିଜେଡିକୁ ଚେକ ଦେବା ପାଇଁ ସାରା ଦେଶରେ ଆରମ୍ଭ ହେଲା ସଭ୍ୟ ସଂଗ୍ରହ ଅଭିଯାନ। ୧୦ଲକ୍ଷ ନୂତନ ସଦସ୍ୟଙ୍କୁ ଦଳରେ ସାମିଲ କରିବା ଲକ୍ଷ୍ୟରେ ଏହି ସଦସ୍ୟ ସଂଗ୍ରହ ଅଭିଯାନ ଆରମ୍ଭ କରିଛି ଦଳ । ଆଜି (ସୋମବାର) ଭୁବନେଶ୍ୱର କଂଗ୍ରେସ ଭବନରେ ନୂତନ ସଦସ୍ୟ ସଂଗ୍ରହ ଅଭିଯାନକୁ ବିଧିବଦ୍ଧ ଭାବେ ଶୁଭରମ୍ଭ କରିଛନ୍ତି ଦଳର ରାଜ୍ୟ ପ୍ରଭାରୀ ଡ.ଚେଲ୍ଲା କୁମାର ।
ଆରମ୍ଭ ହେଲା କଂଗ୍ରେସର Membership Drive
ବିଭିନ୍ନ ବର୍ଗର ପ୍ରାୟ ଶତାଧିକ ନୂଆ ସଦସ୍ୟ ଆଜି ଦଳରେ ସାମିଲ ହୋଇଛନ୍ତି । 5ବର୍ଷ ପାଇଁ କଂଗ୍ରେସର ପ୍ରାଥମିକ ସଦସ୍ୟଙ୍କ ପାଇଁ 5ଟଙ୍କା ସଦସ୍ୟତା ରାଶି ରଖାଯାଇଛି । ଆଜି କିଛି ଓଡିଶା ସୂଚନା ଅଧିକାର କର୍ମୀ ,ଖୋର୍ଦ୍ଧାର ଜଣେ ମହିଳା ପଞ୍ଚାୟତ ସମିତି ସଭ୍ୟାଙ୍କ ସମେତ କିଛି ଭିନ୍ନକ୍ଷମ ଦଳରେ ସାମିଲ ହୋଇ ସଦସ୍ୟତା ଗ୍ରହଣ କରିଛନ୍ତି । ନୂଆ ସଦସ୍ୟଙ୍କୁ ନେଇ କଂଗ୍ରେସ ଅଧିକ ସକ୍ରିୟ ହେବ ବୋଲି ଆଶା ରଖିଛି ଦଳ ।