ଭୁବନେଶ୍ବର: ରାଜ୍ୟରେ ବିପର୍ଯ୍ୟସ୍ତ ହୋଇପଡିଥିବା ବସ ସେବା ନେଇ ସରକାରଙ୍କୁ ଘେରିଛି କଂଗ୍ରେସ । ଗତ ୨୦ ବର୍ଷ ମଧ୍ୟରେ ରାଜ୍ୟରେ ଗୋଟିଏ ମଧ୍ୟ ବସଷ୍ଟାଣ୍ଡ ହୋଇନାହିଁ ବୋଲି କଂଗ୍ରେସ ସାମ୍ବାଦିକ ସମ୍ମିଳନୀ କରି ଅଭିଯୋଗ କରିଛି ।
ବିପର୍ଯ୍ୟସ୍ତ ବସ ସେବାକୁ ନେଇ ରାଜ୍ୟ ସରକାରଙ୍କୁ ଘେରିଲା କଂଗ୍ରେସ
ରାଜ୍ୟର 90 ପ୍ରତିଶତ ଲୋକ ବସ୍ ସେବା ଉପରେ ନିର୍ଭର କରନ୍ତି । ହେଲେ 20 ବର୍ଷ ମଧ୍ୟରେ ଗୋଟିଏ ବି ବସଷ୍ଟାଣ୍ଡ ସରକାର କରି ନାହାନ୍ତି। କଂଗ୍ରେସ ସରକାର ଥିଲା ବେଳେ ରାଜ୍ୟରେ 38ଟି ବସଷ୍ଟାଣ୍ଡ ଥିଲା ଆଉ ନବୀନ ସରକାର କିଛି କରି ନାହାନ୍ତି ବୋଲି କଂଗ୍ରେସ ଅଭିଯୋଗ କରିଛି । ସେପଟେ ରାଜ୍ୟର ସମସ୍ତ 30ଟି ଯାକ ଜିଲ୍ଲାରେ ନୂଆ ବସଷ୍ଟାଣ୍ଡ ନାହିଁ । ଯେତିକି ଅଛି ସେଠାରେ ବ୍ୟାପକ ଅବ୍ୟବସ୍ଥା ଥିବା ବେଳେ ଖୋଦ ମୁଖ୍ୟମନ୍ତ୍ରୀଙ୍କ ଜିଲ୍ଳା ଗଞ୍ଜାମ ଛତ୍ରପୁର ବସଷ୍ଟାଣ୍ଡରେ ମଧ୍ୟ ପାଣି ଆଉ ବିଜୁଳି ବ୍ୟବସ୍ଥା ନାହିଁ ବୋଲି କହିଛି କଂଗ୍ରେସ ।