ଭୁବନେଶ୍ବର: ଅଗ୍ନିପଥ ଯୋଜନା ପ୍ରତ୍ୟାହାର ଦାବିରେ କଂଗ୍ରେସର ସତ୍ୟାଗ୍ରହ । ଭୁବନେଶ୍ବର ପାୱାରହାଉସ ଛକ ନିକଟରେ ଶାନ୍ତିପୂର୍ଣ୍ଣ ସତ୍ୟାଗ୍ରହ କରିଛି ଦଳ । ଏଭଳି ଦେଶ ବିରୋଧୀ ଯୋଜନାକୁ ପ୍ରତ୍ୟାହାର କରିବା ପାଇଁ କଂଗ୍ରେସ ଦାବି କରିଛି ।
Agnipath scheme: ଭୁବନେଶ୍ବରରେ କଂଗ୍ରେସର ସତ୍ୟାଗ୍ରହ
ଅଗ୍ନିପଥ ଯୋଜନାରେ ଦେଶର ଯୁବକଙ୍କୁ ୪ ବର୍ଷ ପାଇଁ ନିଯୁକ୍ତି ଦେବାପାଇଁ କେନ୍ଦ୍ର ସରକାର ଅଣ୍ଟା ଭିଡ଼ିଛନ୍ତି । କିନ୍ତୁ ଏହି ଯୋଜନାକୁ ଦେଶର ବିଭିନ୍ନ ସ୍ଥାନରେ ବିରୋଧ କରାଯାଇଛି । ବିରୋଧ ସମୟରେ ବ୍ୟାପକ ହିଂସା ହେଉଥିବା ମଧ୍ୟ ଦେଖିବାକୁ ମିଳିଛି । ତେବେ ଏହି ଯୋଜନାକୁ ପ୍ରତ୍ୟାହାର କରି ନେବାକୁ ସରକାରଙ୍କ ନିକଟରେ ଦାବି କରିଛି କଂଗ୍ରେସ । ବିଭିନ୍ନ ବ୍ଲକ ଓ ଜିଲ୍ଲାସ୍ତରରେ ଆଜି କଂଗ୍ରେସ ପକ୍ଷରୁ ସତ୍ୟାଗ୍ରହ କରାଯାଇଛି । ସେହିଭଳି ଭୁବନେଶ୍ବରରେ ମଧ୍ୟ କଂଗ୍ରେସର ଏହି ସତ୍ୟାଗ୍ରହ ଦେଖିବାକୁ ମିଳିଥିଲା ।