ଭୁବନେଶ୍ବର: ଆସନ୍ତାକାଲି(ବୁଧବାର)ଠୁ ରାଜ୍ୟରେ ଆରମ୍ଭ ହେବାକୁ ଯାଉଛି ପ୍ରଥମ ପର୍ଯ୍ୟାୟ ମତଦାନ । ଚଳିତ ଥର ପ୍ରଚାର ଓ ରାଲିକୁ କୋରୋନା ସଂକ୍ରମଣ ଦୃଷ୍ଟିରୁ ବାରଣ କରାଯାଇଥିବାରୁ ଭୋଟରଙ୍କୁ ଆକୃଷ୍ଟ କରିବା ପାଇଁ ବିଭିନ୍ନ ଦଳର ପ୍ରାର୍ଥୀ ଭିନ୍ନ ଭିନ୍ନ ଢଙ୍ଗରେ ପ୍ରଚାର କରୁଛନ୍ତି । ତେବେ ପ୍ରସାଦ ହରିଚନ୍ଦନଙ୍କ ନାଁ ଷ୍ଟାର ପ୍ରଚାରକ ତାଲିକାରୁ ବାଦ ପଡ଼ିଛି । ଏ ନେଇ ପିସିସି ସଭାପତି ନିରଞ୍ଜନ ପଟ୍ଟନାୟକ ସୂଚନା ଦେଇଛନ୍ତି ।
ଏହି ପ୍ରସଙ୍ଗରେ ନିରଞ୍ଜନ ପ୍ରତିକ୍ରିୟା ଦେଇ କହିଛନ୍ତି ଯେ ଯିଏ ପ୍ରଚାର କରିବ ତାଙ୍କ ନାଁ ତାଲିକାରେ ଅଛି । ସେ ତ ଆସନ୍ତିନି । ଏହା ଦଳର ଆଭ୍ୟନ୍ତରୀଣ ବ୍ୟାପାର । ସେ ପ୍ରେସମିଟରେ କାହିଁକି କାନ୍ଦିଲେ ତାର ଜବାବ ନିର୍ବାଚନ ପରେ ଦିଆଯାଇପାରେ ବୋଲି କହିଛନ୍ତି ନିରଞ୍ଜନ । ତେବେ ସୂଚନା ଥାଉ କି ଗତ ଜାନୁଆରୀ ୨୭ ତାରିଖରେ କଂଗ୍ରେସ ନେତା ପ୍ରସାଦ ହରିଚନ୍ଦନ ଏକ ପ୍ରେସମିଟ କରିଥିବା ବେଳେ ସେଥିରେ କାନ୍ଦିଥିବା ଦେଖିବାକୁ ମିଳିଥିଲା । ଏହାସହ ୨୦୨୪ରେ ସେ ନିର୍ବାଚନ ଲଢିବେନି ବୋଲି ଘୋଷଣା କରିଥିଲେ ।