ଭୁବନେଶ୍ବର: ଓଡିଶାରେ ଜୋର ଧରିଛି ଓବିସି ପଲିଟିକ୍ସ । ଆଜି ବିଜେଡିର ଜାତିଭିତ୍ତିକ ଗଣନା ଦାବି ଉଠିବା ପରେ କଂଗ୍ରେସ ପକ୍ଷରୁ ନବୀନଙ୍କୁ ଆକ୍ଷେପ କରିଛନ୍ତି ବରିଷ୍ଠ କଂଗ୍ରେସ ନେତା ସୁର ରାଉତରାୟ । ଯଦି ଓଡିଶାରେ ଜାତିପ୍ରଥା ଥାଆନ୍ତା, ତେବେ 21 ବର୍ଷ ଧରି ଦେଢ ପ୍ରତିଶତ ଲୋକ ରାଜ୍ୟକୁ ଶାସନ କରିନଥାନ୍ତେ । ମୁଖ୍ୟମନ୍ତ୍ରୀ କେବଳ ଓବିସି ଭୋଟବ୍ୟାଙ୍କ ହାତେଇବାକୁ ଜାତିଭିତ୍ତିକ ଜନଗଣନା କଥା କହୁଛନ୍ତି ବୋଲି ସମାଲୋଚନା କଲେ ସୁର ।
ବିଜେଡିର ଜାତିଭିତ୍ତିକ ଗଣନା ଦାବି: ଭୋଟ ହାତେଇବାକୁ ଏହା କେବଳ ଯୋଜନା କହିଲେ ସୁର
ଓଡିଶା ଜନସଂଖ୍ୟାର ମୋଟ ୭୪ ପ୍ରତିଶତ ହେଉଛନ୍ତି ଓବିସି । କିନ୍ତୁ ଏହି ବର୍ଗ ରାଜ୍ୟରେ ସବୁବେଳେ ଅବହେଳିତ । ଗଣନା ହେଲେ ରାଜ୍ୟରେ କେତେ ସଂଖ୍ୟକ ଓବିସି ଅଛନ୍ତି ଜଣାପଡିବ । ମୁଖ୍ୟମନ୍ତ୍ରୀ କେବଳ ଉପର ଠାଉରିଆ ଭାବେ ଏହି ଜନଗଣନା କଥା କହୁଛନ୍ତି । ହେଲେ ତାଙ୍କର ଆନ୍ତରିକତା ନାହିଁ । ମାତ୍ର ଜାତିଭିତ୍ତିକ ଜନଗଣନା ପାଇଁ କଂଗ୍ରେସ ପୂର୍ବରୁ ଦାବି କରିଆସୁଛି ବୋଲି ସୁର କହିଛନ୍ତି ।