ହୋଲ୍ଡିଂ ଟ୍ୟାକ୍ସ ବୃଦ୍ଧିକୁ ନେଇ ରାଜରାସ୍ତାରେ କଂଗ୍ରେସ

ହୋଲଡିଂ ଟ୍ୟାକ୍ସ ବୃଦ୍ଧିକୁ ନେଇ ରାଜରାସ୍ତାରେ କଂଗ୍ରେସ। ବିଏମସି ହୋଲ୍ଡିଂ ଟ୍ୟାକ୍ସ ବୃଦ୍ଧିକୁ ନେଇ ରାଜରାସ୍ତାରେ କଂଗ୍ରେସ । କଂଗ୍ରେସ ପକ୍ଷରୁ ବିଏମସି ଜୋନାଲ ଅଫିସ ଘେରାଉ କରାଯାଇଛି। ଅଧିକ ପଢନ୍ତୁ...

ଭୁବନେଶ୍ବର: ବିଏମସି ଆଲୋଚନା ନକରି 7 ଗୁଣ ହୋଲ୍ଡିଂ ଟ୍ୟାକ୍ସ ବଢ଼ାଇଛି। ଏହାକୁ ବରିଷ୍ଠ କଂଗ୍ରେସ ନେତାମାନେ ବିରୋଧ କରିବା ସହ ଭୁବନେଶ୍ବର ବାସୀଙ୍କୁ ଟ୍ୟାକ୍ସ ନଦେବାକୁ କହିଛନ୍ତି | ଏହା ସହ ଆଗାମୀ 15 ତାରିଖରେ ଭୁବନେଶ୍ବର ଜିଲ୍ଲା କଂଗ୍ରେସ ପକ୍ଷରୁ ଏହା ବିରୋଧରେ କରାଯାଇ କଳ୍ପନା ସ୍ଥିତ ବିଏମସି ଅଫିସ ଘେରାଉ କରାଯିବ।

ଭୁବନେଶ୍ବର ଜିଲ୍ଲା କଂଗ୍ରେସ ପକ୍ଷରୁ ଏହି ଟ୍ୟାକ୍ସ ପୂରା ଛାଡ଼ କରିବାକୁ ଦାବି କରାଯାଇଛି । ଯଦି ସେମାନଙ୍କ ଦାବି ପୂରଣ ନହୁଏ ଯାହା ହେବ ସରକାର ସେଥିପାଇଁ ଦାୟୀ ରହିବେ ବୋଲି କହିଛନ୍ତି କଂଗ୍ରେସ ନେତା ଭୁବନେଶ୍ବର ଜିଲ୍ଲା ସଭାପତି ବିଶ୍ବଜିତ ଦାସ।

ରାଜ୍ୟ କଂଗ୍ରେସ ପକ୍ଷରୁ ଏହି ଟିକସକୁ ପ୍ରତ୍ୟାହାର ପାଇଁ ଦାବି କରାଯାଇଛି । ଏହା ସହ ନୂଆ କରି ଆଇନ ସମ୍ମତ ଭାବରେ କରିବାକୁ କଂଗ୍ରେସ ପକ୍ଷରୁ କୁହାଯାଇଛି। ଏହାସହ ମୁନିସିପାଲିଟି ନିର୍ବାଚନ ଯଥାଶୀଘ୍ର କରି ଅଫିସର ରାଜ ଶେଷ କରିବାକୁ କଂଗ୍ରେସ ପକ୍ଷରୁ ଦାବି କରାଯାଇଛି ।

ତୃତୀୟ ଦାବି ରହିଛି ସରକାରଙ୍କ ଅର୍ବାନ ଡିପାର୍ଟମେଣ୍ଟ ତରଫରୁ ଏହି ଟିକସ ବାବଦରେ ଏକ ସ୍ପଷ୍ଟୀକରଣ ଦିଆଯାଉ। ଏହି ଦାବିକୁ ନେଇ କଂଗ୍ରେସର ନେତା ଓ କର୍ମୀ ମାନେ ରାଜରାସ୍ତାରେ ରାଲି କରି ସାମନ୍ତରାୟ ପୁର ସ୍ଥିତ ବିଏମସି କାର୍ଯ୍ୟାଳୟ ସମ୍ମୁଖରେ ଧାରଣା ଦେଇଛନ୍ତି।

ଭୁବନେଶ୍ବରରୁ ବିକାଶ ଦାସ, ଇଟିଭି ଭାରତ