ଭୁବନେଶ୍ବର: ଟ୍ୟାକ୍ସ ବୃଦ୍ଧିକୁ ନେଇ ତେଜୁଛି ରାଜନୀତି । ବିଭିନ୍ନ ଦଳର ବିକ୍ଷୋଭ ଜାରି ରହିଛି। ଟ୍ୟାକ୍ସ ବୃଦ୍ଧି ନେଇ କଂଗ୍ରେସ ଆଜି ବିଏମସି କାର୍ଯ୍ୟାଳୟ ଘେରାଉ କରିଛି। ଏହାସହ କଂଗ୍ରେସ ଓ ବିଜେପି ପକ୍ଷରୁ ପ୍ରତ୍ୟାହାର ଦାବିରେ ଧାରଣା ଦିଆଯାଇଛି। ଭୁବନେଶ୍ବରରେ ବେଆଇନ ଭାବେ ଟ୍ୟାକ୍ସ ଆଦାୟ କରୁଛି ବିଏମସି । ତେଣୁ ପିସିସି ସଭାପତିଙ୍କ ନେତୃତ୍ବରେ ବିଏମସି ସମ୍ମୁଖରେ ବିକ୍ଷୋଭ ପ୍ରଦର୍ଶନ କରାଯାଇଛି ।
ଟ୍ୟାକ୍ସ ବୃଦ୍ଧିକୁ କଂଗ୍ରେସର ବିରୋଧ, ବିଏମସି କାର୍ଯ୍ୟାଳୟ ଘେରାଉ
ଜିଲ୍ଲା କଂଗ୍ରେସର ଏକ ବିଶାଳ ରାଲି ମାଉସୀ ମା ଛକରୁ ଯାଇ ବିଏମସି ସମ୍ମୁଖରେ ହୋଲଡିଂ ଟ୍ୟାକ୍ସ କମେଇବା ପାଇଁ ପ୍ରତିବାଦ କରିଥିଲେ। କୋଭିଡ ମହାମାରୀ ସମୟରେ ସାଧାରଣ ଲୋକେ ପ୍ରଭାବିତ ହୋଇଥିଲା ବେଳେ ବିଏମସି ଜୋର ଜବରଦସ୍ତ ଟ୍ୟାକ୍ସ ଆଦାୟ କରୁଛି। ହୋଲଡିଂ ଟ୍ୟାକ୍ସକୁ ୧୦ ଗୁଣା ବୃଦ୍ଧି କରିଛି, ଯାହା ସମ୍ପୂର୍ଣ ବେଆଇନ। ମନଇଚ୍ଛା ହୋଲଡିଂ ଟ୍ୟାକ୍ସ ବୃଦ୍ଧିକୁ ତୀବ୍ର ବିରୋଧ କରାଯିବ ବୋଲି କଂଗ୍ରେସ କହିଛି ଓ ଆଗକୁ ସାଧାରଣ ଲୋକେ ରାଜରାସ୍ତାକୁ ଓହ୍ଲାଇବେ।