ଭୁବନେଶ୍ବର: ଦେଶରେ ଥାନା ମାନଙ୍କ ସବୁଠୁ ଅଧିକ ମାନବଧିକାର ଉଲ୍ଲଘଂନ ହେଉଛି ଏନେଇ ଦେଶର ମୁଖ୍ୟ ବିଚାରପତି ଚିନ୍ତାପ୍ରକଟ କରିଛନ୍ତି । ଶୁକ୍ରବାର କଂଗ୍ରେସ ଭବନରେ ସମ୍ବାଦିକ ସମ୍ମିଳନୀରେ କଂଗ୍ରେସ ମୁଖପାତ୍ର ନିଶିକାନ୍ତ ମିଶ୍ର ମାନବ ଅଧିକାର ସୁରକ୍ଷା ନେଇ ରାଜ୍ୟ ସରକାର ଦାୟୀ ବୋଲି କହିଛନ୍ତି ।
ମାନବ ଅଧିକାର ଉଲ୍ଲଙ୍ଘନ ନେଇ ରାଜ୍ୟ ସରକାରଙ୍କ ଉପରେ ବର୍ଷିଲା କଂଗ୍ରେସ
କଂଗ୍ରେସ ମୁଖପାତ୍ର କହିଛନ୍ତି ଯେ ଦେଶରେ ମାନବଧିକାର ଉଲ୍ଲଙ୍ଘନକୁ ନେଇ ଚିନ୍ତାପ୍ରକଟ କରିଛନ୍ତି ସୁପ୍ରିମକୋର୍ଟର ମୁଖ୍ୟ ବିଚାରପତି । ଦେଶରେ ଥାନା ମାନଙ୍କ ସବୁଠୁ ଅଧିକ ମାନବ ଅଧିକାର ଉଲ୍ଲଘଂନ ହେଉଛି। ଜନମଙ୍ଗଳ ରାଷ୍ଟ୍ରରେ ରାଷ୍ଟ୍ରର ଦାୟିତ୍ବ ସରକାର ଉପରେ ନ୍ୟସ୍ତ ଥାଏ । ଯିଏ ଯେତେ କ୍ଷମତାଶାଳୀ ସେ ସେତିକି ଉତ୍ତରଦାୟୀ । ଆଉ ଏହାରି ଅନ୍ତର୍ଭୁକ୍ତ ପୋଲିସ ଅଧିକାରୀ । ରାଜ୍ୟର ଅଧିକାଂଶ ପୋଲିସ ଥାନାରେ ଏଭଳି ଅନେକ ପୋଲିସ ଅଧିକାରୀ ଅଛନ୍ତି ଯେଉଁମାନେ ଜାତୀୟ ମାନବାଧିକାର କମିଶନଙ୍କ ଦ୍ବାରା ଦଣ୍ଡିତ ହେଲା ପରେ ମଧ୍ୟ ସରକାର ସେମାନଙ୍କୁ ପ୍ରମୋଶନ ଦେଉଛନ୍ତି।