ଭୁବନେଶ୍ବର:ଆଜି(ରବିବାର) ନେତାଜୀ ସୁବାଷ ଚନ୍ଦ୍ର ବୋଷଙ୍କ 125 ତମ ଜୟନ୍ତୀ । ଏନେଇ ଭୁବନେଶ୍ବର ରସୁଲଗଡ଼ ନିକଟସ୍ଥ ନେତାଜୀଙ୍କ ପ୍ରତିମୂର୍ତ୍ତିରେ କଂଗ୍ରେସ ଶ୍ରଦ୍ଧାଞ୍ଜଳି ଅର୍ପଣ କରିଛି । ଏହି ଅବସରରେ ବହୁ ଦଳୀୟ କର୍ମୀ ଉପସ୍ଥିତ ରହି ନେତାଜୀଙ୍କ ସ୍ମୃତି ଚାରଣ କରିଛନ୍ତି ।
ଏହା ବି ପଢନ୍ତୁ: Subhas Chandra Bose Birth Anniversary: ମନେ ପକାଇଲେ ରାଷ୍ଟ୍ରପତି-ପ୍ରଧାନମନ୍ତ୍ରୀ
କଂଗ୍ରେସ ପ୍ରଭାରୀ ଚେଲା କୁମାର, ବରିଷ୍ଠ କଂଗ୍ରେସ ନେତା ସୁର ରାଉତରାୟଙ୍କ ସମେତ ବହୁ ଦଳୀୟ କର୍ମୀ ଉପସ୍ଥିତ ରହି ଏହି ପୁଷ୍ପମାଲ୍ୟ ଅର୍ପଣ କରିଥିଲେ । ବିଜେପି ରାଜ୍ୟ ସଭାପତି ସମୀର ମହାନ୍ତି, ଜିଲ୍ଲା ସଭାପତି ବାବୁ ସିଂ, ବିଧାୟକ ପ୍ରାର୍ଥୀ ଜଗନ୍ନାଥ ପ୍ରଧାନ ପ୍ରମୁଖ ଉପପସ୍ଥିତ ରହି ନେତାଜୀଙ୍କ ବୀରତ୍ବର ଗାଥା ବଖାଣିଥିଲେ । ଏହି ଅବସରରେ ଆଜାଦ ହିନ୍ଦ ବାହିନୀ ପକ୍ଷରୁ ପରେଡ଼ ମାଧ୍ୟମରେ ନେତାଜୀ ସୁବାଷ ଚନ୍ଦ୍ର ବୋଷଙ୍କୁ ରାଷ୍ଟ୍ରୀୟ ସଲାମି ଦିଆଯାଇଥିଲା ।
ଏଥିସହ ବହୁ ସଂଗଠନ ମଧ୍ୟ ପୁଷ୍ପମାଲ୍ୟ ଅର୍ପଣ ପୂର୍ବକ ଜାତି ଧର୍ମ ବର୍ଣ୍ଣ ନିର୍ବିଶେଷରେ ମାନବିକତା ଭାବକୁ ଅଗ୍ରାଧିକାର ଦେଇ ବଞ୍ଚିବା ଦରକାର ବୋଲି ଆହ୍ବାନ ଦେଇଥିଲେ । ବିଜେପି ରାଜ୍ୟ ସଭାପତି ସମୀର ମହାନ୍ତି ମଧ୍ୟ ନେତାଜୀଙ୍କୁ ଶ୍ରଦ୍ଧାଞ୍ଜଳି ଜଣାଇଛନ୍ତି । ଆଜି ଦେଶବାସୀଙ୍କ ଗର୍ବର ଦିନ ବୋଲି ସେ କହିଛନ୍ତି । ନେତାଜୀ ସ୍ବାଭିମାନର ପ୍ରତୀକ ସହିତ ମହାତ୍ୟାଗୀ ଥିଲେ ବୋଲି ସେ କହିଛନ୍ତି ।
ଭୁବନେଶ୍ବରରୁ ମନୋରଞ୍ଜନ ଶଙ୍ଖୁଆ, ଇଟିଭି ଭାରତ
TAGGED:
Netaji Birth Anniversary