ଭୁବନେଶ୍ବର: ରାଜ୍ୟରେ କଂଗ୍ରେସର ସ୍ଥିତି ଦିନକୁ ଦିନ ଅତି ଦୁର୍ବଳ ହେବାରେ ଲାଗିଛି । ଏମିତି ଅବସ୍ଥା ହୋଇଛି ଯେ, ଟିକେଟ ନେଇ ପ୍ରାର୍ଥୀ ହେବାକୁ ନେତାଙ୍କ ଅଭାବ ଦେଖିବାକୁ ମିଳିଛି । ଏନେଇ ଅସନ୍ତୋଷ ବ୍ୟକ୍ତ କରିଛନ୍ତି କଂଗ୍ରେସର ବିଧାୟକ ତାରା ପ୍ରସାଦ ବାହିନୀପତି । ତେବେ ଅଲ ଇଣ୍ଡିଆ କଂଗ୍ରେସ କମିଟି୍ (AICC) ତୁରନ୍ତ ହସ୍ତକ୍ଷେପ କରି କାର୍ଯ୍ୟାନୁଷ୍ଠାନ ନେବାକୁ ତାରା ଦାବି କରିଛନ୍ତି ।
କଂଗ୍ରେସ ଅବନୀତି ପଛରେ କଂଗ୍ରେସ ନେତା: ତାରା ପ୍ରସାଦ ବାହିନୀପତି
ସେହିପରି ପୌର ନିର୍ବାଚନରେ ବିଏମସି ଅଞ୍ଚଳରେ 67 ପ୍ରାର୍ଥୀ ଦେବାକୁ ଦଳ ସକ୍ଷମ ହୋଇନାହିଁ । ପ୍ରାୟ 20 ୱାର୍ଡରେ କଂଗ୍ରେସର ପ୍ରାର୍ଥୀ ନାହାନ୍ତି । ରାଜ୍ୟର ବିଭିନ୍ନ ପୌରାଞ୍ଚଳରେ ସମାନ ଅବସ୍ଥା ଦେଖିବାକୁ ମିଳୁଛି ।
ଆଜି ଏନେଇ ପ୍ରତିକ୍ରିୟା ରଖିଛନ୍ତି ବିଧାୟକ ତାରା ପ୍ରସାଦ ବାହିନୀପତି । ତାରା କହିଛନ୍ତି ଯେ, ପୌର ନିର୍ବାଚନରେ ଯେଉଁ ନେତା ପ୍ରାର୍ଥୀ ଦେଇ ପାରି ନାହାନ୍ତି, ତାଙ୍କୁ କଂଗ୍ରେସ ନେତା ବୋଲି ମାନିବା ଉଚିତ ନୁହେଁ ବୋଲି ତାରା କହିଛନ୍ତି । ଏହା କଂଗ୍ରେସ ପାଇଁ କ୍ଷତିକାରକ ବୋଲି ସେ କହିଛନ୍ତି ।