ଭୁବନେଶ୍ବର: ରାଜ୍ୟରେ ବନ୍ୟାସ୍ଥିତି ଉତ୍କଟ ରହିଥିବା ବେଳେ ପାଣି ଘେରରେ ହନ୍ତସନ୍ତ ହେଉଛନ୍ତି ଜନସାଧାରଣ । କାଁଭାଁ କେଉଁଠି ରିଲିଫ ପହଞ୍ଚିଛି ତ ଆଉ କେଉଁଠି ସରକାର ଓ ପ୍ରଶାସନର ସାହାଯ୍ୟକୁ ଅପେକ୍ଷା କରି ଭୋକ ଓପାସରେ ଦିନ କାଟୁଛନ୍ତି ଲୋକେ । ରାଜ୍ୟ ସରକାରଙ୍କ ଏପରି ବନ୍ୟା ସ୍ଥିତି ପରିଚାଳନାକୁ ନେଇ ପ୍ରଶ୍ନ ଉଠାଇଛନ୍ତି କଂଗ୍ରେସ ବିଧାୟକ ସୁର ରାଉତରାୟ ।
'ବନ୍ୟା ଘେରରେ ଲୋକେ, ନବୀନ ହେଲିକପ୍ଟରରେ ନବୁଲି ଗ୍ରାଉଣ୍ଡକୁ ଆସନ୍ତୁ'
ସୁର କହିଛନ୍ତି ଯେ, ମୁଖ୍ୟମନ୍ତ୍ରୀ ଖାଲି ହେଲିକ୍ୟାପ୍ଟରରେ ଘେରାଏ ବୁଲି ଆସିଲେ । ଦିନେ ଗ୍ରାଉଣ୍ଡ ଯାଅନ୍ତୁ, ଲୋକ ବନ୍ୟାଘେରରେ ଅଛନ୍ତି । ନବୀନ ବାବୁ ରିଲିଫ ଘୋଷଣା କଲେ, ହେଲେ ଏଯାଏଁ କେହି ପାଇ ନାହାଁନ୍ତି । କେବଳ ଘୋଷଣା କରି ମୁଖ୍ୟମନ୍ତ୍ରୀ ଶୋଇଯାଇଛନ୍ତି ବୋଲି ଅଭିଯୋଗ କରିଛନ୍ତି ସୁର ।