ଭୁବନେଶ୍ବର: ଓଡ଼ିଶାର ସଂସ୍କୃତି ଓ ପରମ୍ପରା ମହାନ । ଯେଉଁଥିପାଇଁ ଏ ପବିତ୍ର ବିଧାନସଭାରେ ବାରମ୍ବାର ଆଲୋଚନା ହେଉଥିବା ବେଳେ ଆମର ଗର୍ବ ଓ ଗୌରବଙ୍କୁ ଆମେ ଭୁଲିଗଲୁଣି । ଏ ଜାତି ଯେଉଁମାନଙ୍କ ବଳିଦାନକୁ ନେଇ ଗର୍ବିତ ସେଇ ଧୋତି ପିନ୍ଧା ନେତାଙ୍କୁ ଆଜିର ନେତାମାନେ ଭୁଲିଯିବା ଦୁର୍ଭାଗ୍ୟ ଜନକ ।
ଭିଡିଓ ସୌଜନ୍ୟ: ବ୍ୟୁରୋ ଚିଫ୍, ଭୁବନେଶ୍ବର
ଆଜି ଏମିତି ବିଧାନସଭାରେ ନିଜର ଉଦବେଗ ପ୍ରକାଶ କରିଥିଲେ ବରିଷ୍ଠ କଂଗ୍ରେସ ନେତା ନରସିଂହ ମିଶ୍ର । ଶୂନ୍ୟକାଳରେ ବିରୋଧୀଦଳ ନେତା ନରସିଂହ ମିଶ୍ର ଏନେଇ ଉଦବେଗ ପ୍ରକାଶ କରି କହିଥିଲେ ମହାତ୍ମା ଗାନ୍ଧୀ, ଗୋପବନ୍ଧୁ ଦାସ ଓ ବିଜୁବାବୁଙ୍କ ଭଳି ନେତାମାନେ ଧୋତି ପିନ୍ଧୁଥିଲେ । ବର୍ତ୍ତମାନ ବିଧାନସଭାର 4 ଜଣରୁ ଅଧିକ ବିଧାୟକ ଧୋତି ପିନ୍ଧୁନାହାନ୍ତି । ଅନ୍ୟ ବିଧାୟକ ମାନଙ୍କ ମଧ୍ୟରୁ ଅଧିକାଂଶ ଧୋତି ପିନ୍ଧା ଜାଣିନଥିବେ ବୋଲି ନରସିଂହ କହିଛନ୍ତି ।