ଭୁୂବନେଶ୍ବର: ଦିଲ୍ଲୀରୁ କଂଗ୍ରେସ ନେତା ରାହୁଲ ଗାନ୍ଧୀଙ୍କ ସହ ଆଲୋଚନା କରି ଫେରିଲେ ଓଡିଶା କଂଗ୍ରେସର ବରିଷ୍ଠ ନେତା । ଓଡିଶା ଫେରିବା ପରେ କଂଗ୍ରେସ ନେତା ଉତ୍ସାହିତ ଥିବା ଜଣାପଡିଛି । ପିସିସି ସଭାପତି ଅଙ୍କ ଛିଡାଇବା ଲାଗି ଦିଲ୍ଲୀରେ ଡେରା ପକାଇଥିଲେ ନେତା ଓ ବିଧାୟକ ।
ଦିଲ୍ଲୀରୁ ଫେରିଲେ କଂଗ୍ରେସ ନେତା ଓ ବିଧାୟକ
ତେବେ ରାହୁଲଙ୍କୁ ଭେଟିବା ପରେ ନରସିଂହ ମିଶ୍ର, ନିରଞ୍ଜନ ପଟ୍ଟନାୟକ, ସନ୍ତୋଷ ସିଂ ସାଲୁଜା, ଅଧିରାଜ ମୋହନ ପାଣିଗ୍ରାହୀ, ରାଜନ ଏକା ଓ ରମେଶ ଜେନା ଓଡିଶା ଫେରିଛନ୍ତି । ଏପଟେ ବରିଷ୍ଠ କଂଗ୍ରେସ ବିଧାୟକ ନରସିଂହ ମିଶ୍ର କହିଛନ୍ତି ଯେ, ରାହୁଲ ଗାନ୍ଧୀଙ୍କ ନିର୍ଦ୍ଦେଶ ଏକ ହୋଇ ରହିବା ସହ ସଂଗଠନ ମଜବୁତ୍ କରିବା ଦିଗରେ ସମସ୍ତେ ମିଳିମିଶି କାମ କରିବା ଜରୁରୀ । ଏଥିସହ ଶୃଙ୍ଖଳା ରକ୍ଷା କରି ଏକଜୁଟ୍ ହୋଇ କାମ କର ବୋଲି ରାହୁଲ କହିଥିବା ନରସିଂହ ମିଶ୍ର କହିଛନ୍ତି ।