ଭୁବନେଶ୍ବର: ମମିତା ମର୍ଡର କେସରେ ମହାଅଭିଯୋଗ ଆଣିଲେ କଂଗ୍ରେସ ନେତା ସତ୍ୟ ପ୍ରକାଶ ନାୟକ । ସାମ୍ବାଦିକ ସମ୍ମିଳନୀରେ ଗୃହ ରାଷ୍ଟ୍ରମନ୍ତ୍ରୀ ଦିବ୍ୟଶଙ୍କର ମିଶ୍ରଙ୍କ ଇସ୍ତଫା ଦାବି କରିବା ସହ 2013 ରେ କେମେଷ୍ଟ୍ରି ପେପର ଲିକ୍ ମାମଲାରେ ମହାଲିଙ୍ଗ ସନସାଇନ କଲେଜର ଲିଙ୍କ୍ ଥିବା ଅଭିଯୋଗ ଆଣିଛନ୍ତି ।
ସତ୍ୟ ପ୍ରକାଶ କହିଛନ୍ତି ଯେ, 'ସମସ୍ତେ ଜାଣନ୍ତି ଏହି ହତ୍ୟାକାଣ୍ଡରେ ମୁଖ୍ୟ ଅଭିଯୁକ୍ତ ଗୋବିନ୍ଦକୁ ମନ୍ତ୍ରୀ ଦିବ୍ୟଶଙ୍କର ମିଶ୍ର ଘଣ୍ଟ ଘୋଡାଇ ରଖିଥିଲେ । କାହିଁକି ନବୀନ ବାବୁ ତାଙ୍କୁ ବରଖାସ୍ତ କରୁନାହାନ୍ତି ? ନବୀନ ବାବୁ ଆଇ ଲଭ ୟୁ ଓ ଆଇ ହେଟ ୟୁ ଭିତରେ ଦ୍ଵନ୍ଦରେ ଅଛନ୍ତି । କଂଗ୍ରେସ ଦ୍ଵନ୍ଦରେ ପୂର୍ଣ୍ଣଚ୍ଛେଦ ପକାଇବ । 2013 ମସିହାରେ କେମିଷ୍ଟ୍ରି ପେପେର ଲିକ ହୋଇଥିଲା । ଏହାର ଚେର ମହାଲିଙ୍ଗ କଲେଜ ପର୍ଯନ୍ତ ଲମ୍ବିଥିଲା । ସେତେବେଳେ କ୍ରାଇମବ୍ରାଞ୍ଚ କହିଥିଲା ଏହା ପଛରେ ଏକ ରାକେଟ କାମ କରୁଛି ।' ଏଭଳି ଅନୁଷ୍ଠାନ ସହ ମନ୍ତ୍ରୀମାନେ କାହିଁକି ସମ୍ପର୍କ ରଖିଥିଲେ ବୋଲି ପ୍ରଶ୍ନ କରିଛନ୍ତି କଂଗ୍ରେସ ନେତା ସତ୍ୟପ୍ରକାଶ ।