ଭୁବନେଶ୍ବର: ଗତକାଲି (ମଙ୍ଗଳବାର) ଦେଶର ବିଭିନ୍ନ ରାଜ୍ୟରେ ହୋଇଥିବା ଉପ-ନିର୍ବାଚନରେ ଫଳାଫଳ ଆସିବା ପରେ ରାଜ୍ୟ କଂଗ୍ରେସ ନେତା ବେଶ ଉତ୍ସାହିତ ହୋଇପଡିଛନ୍ତି ।
2024 ରେ କେନ୍ଦ୍ର ଓ ରାଜ୍ୟରେ କଂଗ୍ରେସ ସରକାର : ଦେବାଶିଷ ପଟ୍ଟନାୟକ
ଆଗାମୀ ୨୦୨୪ ସାଧାରଣ ନିର୍ବାଚନରେ ଉଭୟ କେନ୍ଦ୍ର ଓ ରାଜ୍ୟରେ କଂଗ୍ରେସ ସରକାର ଗଢିବ । ଓଡିଶାର ଜନସାଧାରଣ ଆଗାମୀ ନିର୍ବାଚନରେ କଂଗ୍ରେସକୁ ଭୋଟ ଦେବେ । କାରଣ ଦରଦାମ ବୃଦ୍ଧି , ତୈଳ ଦର ବୃଦ୍ଧି , ଗମନାଗମନରେ ଅହେତୁକ ଖର୍ଚ୍ଚ, ଅତ୍ୟାବଶ୍ୟକ ସାମଗ୍ରୀ ହୁ ହୁ ହୋଇ ବଢିବା ଯୋଗୁ ଜନସାଧାରଣ ଅତିଷ୍ଠ ହେଲେଣି । ମୋଦି ଓ ନବୀନ ସରକାର ବିରୋଧରେ ପ୍ରବଳ ଜନମତ ସୃଷ୍ଟି ହେଲାଣି । ଯାହା ଗତକାଲିର ଉପ-ନିର୍ବାଚନ ଫଳାଫଳ ସ୍ପଷ୍ଟ ବୋଲି କହିଛନ୍ତି କଂଗ୍ରେସ ମୁଖପାତ୍ର ଦେବାଶିଷ ପଟ୍ଟନାୟକ ।