ଭୁବନେଶ୍ବର: ‘ପରୀ’ ହତ୍ୟା ପ୍ରସଙ୍ଗକୁ ନେଇ କଂଗ୍ରେସରେ ଭିନ୍ନ ମତ ଦେଖାଦେଇଛି । ପରୀ ପ୍ରସଙ୍ଗରେ କଂଗ୍ରେସ ଯେଉଁ ଦାବି ବିଧାନସଭାରେ କରିଥିଲା । ତାହା ସରକାର ମାନିଛନ୍ତି । ଏସଆଇଟି ତଦନ୍ତ ଆରମ୍ଭ ହୋଇଛି । ତଥାପି ଏହାକୁ ନେଇ କଂଗ୍ରେସ ନେତା ଭିନ୍ନ ମତ ପୋଷଣ କରୁଛନ୍ତି ।
ପରୀ ପାଇଁ କଂଗ୍ରେସ ନେତାଙ୍କ ଭିନ୍ନ ମତ
ରାଜ୍ୟରେ ନୟାଗଡ ‘ପରୀ’ ହତ୍ୟାକାଣ୍ଡ ରାଜନୀତି ଥମିବାର ନାଁ ନେଉନାହିଁ । କେତେବେଳେ ଶାସକ ବିରୋଧୀ ମୁହାଁମୁହିଁ ହେଉଥିବାବେଳେ ଆଉ କେତେବେଳେ ବିରୋଧୀ ଦଳରେ ହିଁ ନେତା ଓ ବିଧାୟକ ମତ ପାର୍ଥକ୍ୟ ରହୁଛି । ଏହି ପ୍ରସଙ୍ଗରେ କଂଗ୍ରେସ ବିଧାୟକ ସନ୍ତୋଷ ସିଂ ସାଲୁଜା କହିଛନ୍ତି, ବିଧାନସଭାରେ ଆମେ ଚୁପ ରହିବାର କାରଣ ହେଲା ବିଧାୟକ ଦଳ ନେତା ଯାହା କହିଲେ ଆମେ ତାକୁ ମାନିନେଲୁ । ନିଶ୍ଚିତ ଭାବରେ ପରୀ ପ୍ରସଙ୍ଗରେ ବିଜେପି ମାଇଲେଜ୍ ନେଇଛି ଓ ଆଗକୁ ବି ନେବ । କିନ୍ତୁ ବିଧାୟକ ଦଳ ନେତା ଯାହା କହିବେ ତାହା ଆମେ ମାନିବାକୁ ବାଧ୍ୟ ହେଲୁ ।