ଭୁବନେଶ୍ବର: ଓଡ଼ିଶା ଷ୍ଟାଫ ସିଲେକ୍ସନ କମିଶନରେ ଦୁର୍ନୀତିକୁ ନେଇ ସାମ୍ବାଦିକ ସମ୍ମିଳନୀ କରିଛି କଂଗ୍ରେସ । ଏହି ଘଟଣାରେ ଜୁଡିସିଆଲ ତଦନ୍ତ ଦାବି କରିଛି ଛାତ୍ର କଂଗ୍ରେସ । ତେବେ ଦାବି ପୂରଣ ନ ହେଲେ ଛାତ୍ର କଂଗ୍ରେସ ସମସ୍ତ ଜିଲ୍ଲାରେ ଆନ୍ଦୋଳନକୁ ଓହ୍ଲାଇବ ବୋଲି ଚେତାବନୀ ଦେଇଛି ଦଳ ।
OSSC ବିଭାଗ ଦୁର୍ନୀତିକୁ ନେଇ କଂଗ୍ରେସର ଜୁଡିସିଆଲ ତଦନ୍ତ ଦାବି
ଏହି ଘଟଣାକୁ ନେଇ 5T ସରକାରଙ୍କୁ ସମାଲୋଚନା କରିଛନ୍ତି ପୂର୍ବତନ କଂଗ୍ରେସ ବିଧାୟକ ଦେବାଶିଷ ପଟ୍ଟନାୟକ । ରାଜ୍ୟରେ 5T ଅକ୍ଷରେ ଅକ୍ଷରେ ପାଳନ ହେଉଛି ବୋଲି ସେ କଟାକ୍ଷ କରି କହିଛନ୍ତି । ରାଜ୍ୟରେ ଟ୍ରାନ୍ସପରେନ୍ସି ବୋଲି କିଛି ନାହିଁ । ଜଣେ ବ୍ୟକ୍ତିଗତ ସହାୟକ ବିରଞ୍ଚି ବାବୁଙ୍କ ଘରୁ କୋଟି କୋଟି ଟଙ୍କା ସହ ଆଡ଼ମିଟ କାର୍ଡ ମିଳିଛି । ସେପଟେ କମିଶନ ଅଧ୍ୟକ୍ଷ ନିର୍ମଳ ମିଶ୍ର କହୁଛନ୍ତି ସେ ଜାଣି ନାହାନ୍ତି ବୋଲି ସେ ଅଭିଯୋଗ କରିଛନ୍ତି । ପରୀକ୍ଷା ନୋଟିଫିକେସନ ବାହାରିବାର 4/5 ବର୍ଷ ପରେ ପରୀକ୍ଷା କାହିଁକି ବିଳମ୍ବ ହେଉଛି ବୋଲି ସେ ପ୍ରଶ୍ନ କରିଛନ୍ତି ।