ଭୁବନେଶ୍ବର: କଂଗ୍ରେସ ଭବନରେ ବାଉନ୍ସର ପ୍ରସଙ୍ଗରେ ପଡୁଛି ଉଠୁଛି ସାରା ରାଜ୍ୟ । ଥମିବାର ନାଁ ଧରୁନି ନିଆଁ । ସେପଟେ ପିସିସି ପକ୍ଷରୁ ଏହାର ତଦନ୍ତ ନେଇ ପୂର୍ବତନ ସାଂସଦ ରଞ୍ଜୀବ ବିଶ୍ବାଳଙ୍କ ଅଧ୍ୟକ୍ଷତାରେ ୩ ଜଣିଆ କମିଟି ଗଠନ କରାଯାଇଛି । ବରିଷ୍ଠ କଂଗ୍ରେସ ନେତା ବଟକୃଷ୍ଣ ତ୍ରିପାଠୀ ଏବଂ ଯୁବ ନେତା ନିଷିକାନ୍ତ ମିଶ୍ର ଏହି କମିଟିର ସଦସ୍ୟ ରହିଛନ୍ତି । ପିସିସି ପକ୍ଷରୁ ଗଠିତ ଏହି କମିଟିକୁ ନେଇ କଟାକ୍ଷ କରିଛନ୍ତି ଖୋଦ ପୂର୍ବତନ ଛାତ୍ର କଂଗ୍ରେସ ସଭାପତି ଇତିଶ ପ୍ରଧାନ ।
ନିଆଁ ଲଗାଉଛି ବାଉନ୍ସର ଘଟଣା; ଇତିଶଙ୍କ ଟାର୍ଗେଟରେ ନିରଞ୍ଜନ
ତଦନ୍ତ କମିଟି ଗଠନକୁ ନେଇ ନିନ୍ଦା କଲେ ପୂର୍ବତନ ଛାତ୍ର କଂଗ୍ରେସ ସଭାପତି ଇତିଶ ପ୍ରଧାନ । ଚୋର ହାତରେ ଚାବିକାଠି ଭଳି ବାଉନ୍ସର ନିରଞ୍ଜନ ଏବଂ ତାଙ୍କ ପୁଅ ନବଜ୍ୟୋତି ଆଣିଥିଲେ । ତଦନ୍ତ ବାହାନାରେ ସେ ଏ ଘଟଣାକୁ ଚପାଇବାକୁ ଚେଷ୍ଟା କରୁଛନ୍ତି । ଏହା ଏକ ସୁଚିନ୍ତିତ ଘଟଣା ବୋଲି କହିଛନ୍ତି ଇତିଶ ।