ଭୁବନେଶ୍ବର: ଚଳିତ ବିଧାନସଭାର ବଜେଟ ଅଧିବେଶନ ଆରମ୍ଭ ହୋଇଛି । ଏହି ସମୟରେ ଗୃହରେ ଅନେକ ଗୁରୁତ୍ବପୂର୍ଣ୍ଣ ବିଷୟ ଉପରେ ଚର୍ଚ୍ଚା କରାଯିବା ସହିତ ଚଳିତ ଆର୍ଥିକବର୍ଷ ପାଇଁ ବଜେଟ ଆଗତ ହେବ । ତେବେ ଆରମ୍ଭରୁ ଗୃହ ବିଭିନ୍ନ କାରଣ ପାଇଁ ଅଚଳ ହୋଇ ରହୁଥିବା ଦେଖିବାକୁ ମିଳୁଛି । ବାଚସ୍ପତି ଏଥିପାଇଁ ଉଭୟ ସରକାରୀ ଓ ବିରୋଧୀ ଦଳର ସଦସ୍ୟମାନଙ୍କୁ ଗୃହ କାର୍ଯ୍ୟ ସୁରୁଖୁରୁରେ ଚଳାଇବା ପାଇଁ ସହଯୋଗ କାମନା କରିଥିବାବେଳେ କଂଗ୍ରେସ ଓଲଟି ପ୍ରଶ୍ନ କରିଛି ଏଥିପାଇଁ ଦାୟୀ କିଏ?
ବିଧାନସଭା ଅଚଳ ପାଇଁ ସରକାର ଦାୟୀ
କଂଗ୍ରେସ ବିଧାୟକ ଦଳ ନେତା କହିଛନ୍ତି କି, ଯଦି ଗୃହରେ ମୁଖ୍ୟମନ୍ତ୍ରୀ,ବିଭାଗୀୟ ସରକାରୀ ଅଧିକାରୀ ନରହିବେ ଏବଂ ସଭ୍ୟମାନଙ୍କ ପ୍ରଶ୍ନର ଉତ୍ତର ନଦେବେ । ତେବେ ସେମାନେ କଣ କାନ୍ଥକୁ ପ୍ରଶ୍ନ କରିବେ ? ତେଣୁ ଏଥିପାଇଁ ସରକାର ଦାୟୀ ବୋଲି ସେ ପରୋକ୍ଷରେ କହିଛନ୍ତି।