ଭୁବନେଶ୍ବର: ପିସିସି ସଭାପତି ପଦ ପାଇଁ ସାଙ୍ଘାତିକ ଷଡଯନ୍ତ୍ର । ପଦ ହାତେଇବା କଥା ହେଉ କି ରାଜ୍ୟ କଂଗ୍ରେସର ରିମୋର୍ଟକୁ ହାତରେ ରଖି ଗୋଟି ଚଳନା କରିବା କଥା ହେଉ ସବୁକିଛି ଯୋଜନା ମୁତାବକ ଚାଲିଥିବା ରାଜନୈତିକ ଅଳିନ୍ଦୁରେ ଚର୍ଚ୍ଚା ହେଉଛି ।
ଉପରେ କଳି, ଭିତରେ କୋଳାକୋଳି ; ପିସିସି ସଭାପତି ପଦ ପାଇଁ ସାଙ୍ଘାତିକ ଷଡଯନ୍ତ୍ର !
ପ୍ରଥମେ ନେତୃତ୍ବ ପରିବର୍ତ୍ତନ ନେଇ ଚିନ୍ତନ ବୈଠକ ଓ ପରେ ବୈଠକରେ ଉପସ୍ଥିତ ଥିବା ଲୋକଙ୍କ ପିସିସି ସଭାପତିଙ୍କୁ ସାକ୍ଷାତ ଏହି ଚର୍ଚ୍ଚାକୁ ଖୋରାକ ଯୋଗାଇଛି । ନିର୍ବାଚନ ପରେ ଇସ୍ତଫା ଦେଇଥିବା ପିସିସି ସଭାପତି ନିରଞ୍ଜନ ପଟ୍ଟନାୟକ ଏଥିପ୍ରତି ଆଉ ଆଗ୍ରହ ଦେଖାଉନଥିବାରୁ ଓଡିଶା ପିସିସି ବଦଳିବା ଏକ ପ୍ରକାର ନିଶ୍ଚିତ । ତେଣୁ ଏହି ପଦବୀ ଯେପରି ନିଜ ଗୋଷ୍ଠୀ ମଧ୍ୟରେ ରହିବ ସେଥିପାଇଁ ଏଭଳି ହେଉଥିବା କୁହାଯାଉଛି । ଯାହାକି କଂଗ୍ରେସ ଗୋଷ୍ଠୀ କନ୍ଦଳକୁ ଅଧିକ ତାଜା କରିଛି । ତେବେ ଚିନ୍ତନ ବୈଠକରେ ସବୁ ସଦସ୍ୟ ମହମ୍ମଦ ମୋକିମଙ୍କୁ ସଭାପତି କରିବା ଜିଦ ଧରିବା ଓ ଏନେଇ ପ୍ରସ୍ତାବ ଆଣିବା ହିଁ ମିଶନର ଆରମ୍ଭ ବୋଲି ଚର୍ଚ୍ଚା ହେଉଛି ।