ଭୁବନେଶ୍ବର: କମିସନରେଟ ପୋଲିସ ହାତରେ ଲୁଟେରା ଗ୍ୟାଙ୍ଗ। ଅଭିନବ ଉପାୟରେ ଲୁଟୁଥିଲେ ଟଙ୍କା। ଡବଲ ଟଙ୍କାର ଲୋଭ ଦେଖାଇ ଅସଲି ନୋଟ ବଦଳରେ ଦେଉଥିଲେ ନକଲି ଟଙ୍କା।
ଏମିତି ଏକ ଗ୍ୟାଙ୍ଗକୁ ଗିରଫ କରିଛି ପୋଲିସ। ମାଷ୍ଟରମାଇଣ୍ଡ ପ୍ରଭାତ ସାହୁ ଗିରଫ ପରେ ଜବତ ହୋଇଛି ପୁଳା ପୁଳା ଟଙ୍କା ଓ ବିପୁଳ ପରିମାଣର ସୁନା ବିସ୍କୁଟ ।
ତେବେ ୭ଲକ୍ଷ ୨୬ ହଜାର ଅସଲି ନୋଟ ଜବତ ହୋଇଥିବା ବେଳେ ବିପୁଳ ପରିମାଣର ନକଲି ନୋଟ ଜବତ ହୋଇଛି। ଯେଉଁଥିରେ ୧୦୦, ୨୦୦, ୫୦୦ ଏବଂ ୨ହଜାର ଟଙ୍କିଆ ନୋଟ ରହିଥିବା ଦେଖିବାକୁ ମିଳିଛି। ତେବେ ମାଷ୍ଟରମାଇଣ୍ଡ ପ୍ରଭାତ ସାହୁର ଘର ଜଗତସିଂହପୁର ବୋଲି ଜଣାପଡିଛି । ପୁର୍ବରୁ ପ୍ରଭାତର ଦୁଇ ସହଯୋଗୀ ପ୍ରଦିପ ମାଇତି, ରାଜେନ୍ଦ୍ର କୁମାରକୁ ଗିରଫ କରିଥିଲା କମିସନରେଟ ପୋଲିସ।
ଝାରଖଣ୍ଡର ଜଣେ ବ୍ୟକ୍ତି ସହ ଡିଲ ବେଳେ ଧରାପଡିଛି ଏହି ଗ୍ୟାଙ୍ଗ।
ଭୁବନେଶ୍ବରରୁ ତାପସ ପରିଡା ଇଟିଭି ଭାରତ
