ଭୁବନେଶ୍ବର :ପଞ୍ଚାୟତ ନିର୍ବାଚନ ନେଇ ସରଗରମ ରାଜନୀତି । ପଞ୍ଚାୟତରେ ପ୍ରାର୍ଥୀ ପ୍ରଚାର ଓ ସଭାକୁ ନେଇ ସରଗରମ ରହିଛି ମାହୋଲ। ରାଜଧାନୀରେ ନିର୍ବାଚନୀ ହିଂସା ରୋକିବାକୁ ପ୍ଲାନ କରିଛି କମିଶନରେଟ ପୋଲିସ ।
କାରଣ ବିଭିନ୍ନ ଥାନା ଅଧିନରେ ଆସୁଛି ୬୮ ପଞ୍ଚାୟତ । ଜୋନାଲ ଏସିପି ଓ ସ୍ଥାନୀୟ ଆଇଆଇସିଙ୍କୁ ଦିଆଯାଇଛି ଏନେଇ ଦାୟିତ୍ବ । ନିର୍ବାଚନ ବେଳେ ଅଭ୍ୟାସଗତ ଅପରାଧୀଙ୍କ ତାଲିକା ପ୍ରସ୍ତୁତ ହୋଇଛି ।
ରାଜଧାନୀରେ ନିର୍ବାଚନୀ ହିଂସା ରୋକିବାକୁ ପ୍ରସ୍ତୁତ କମିଶନରେଟ ପୋଲିସ
ଏପରିକି ଅନେକ ସ୍ଥଳରେ ୧୧୦ଦଫା ଲଗାଇ ଆଗୁଆ ଜେଲ ପଠାଉଛି ପୋଲିସ। ରାଜନୀତିକ ପାଣିପାଗ ବିଗାଡୁଥିବା ନିଶା ମାଫିଆ ଓ ନିଶା କାରବାର ଉପରେ ବି ଚଢାଉ ଜାରି ରହିଛି। ଏହାସହ ନିର୍ବାଚନୀ ହିଂସା ଓ ଅପ୍ରୀତିକର ପରିସ୍ଥିତି ଏଡାଇବାକୁ ପିସିଆର, ବସ୍ତିମିତ୍ର ଓ ପୋଲିସର ଫୋର୍ସକୁ ମଧ୍ୟ ସଜାଗ ରହିବାକୁ କୁହାଯାଇଛି ।