ନିଆରା ଟ୍ରାଫିକ ସଚେତନତା, ଚାବି ରିଙ୍ଗରେ ବଣ୍ଟାଯାଉଛି ବାର୍ତ୍ତା

ଫୁଲ କି ଚକଲେଟ ନୁହେଁ, ମନେ ରଖିବାକୁ ଚାବି ରିଙ୍ଗ ଜରିଆରେ ଦିଆଯାଇଛି ବାର୍ତ୍ତା। ତାସହିତ ସ୍ବତନ୍ତ୍ର ଷ୍ଟିକର ଜରିଆରେ ସଚେତନତା କରିଛନ୍ତି କମିଶନରେଟ ପୋଲିସ ଓ ଇଣ୍ଡିଆନ ୟୁଥ ଆସୋସିଏସନ।

ଭୁବନେଶ୍ବର: ଦେଶରେ ଲାଗୁ ହୋଇଥିବା ନୂଆ ଯାନବାହାନ ଆଇନରେ ଟ୍ରାଫିକ ବ୍ୟବସ୍ଥାକୁ ସୁଧାରିବା ପାଇଁ ପୁଲିସ ନୂଆ ନୂଆ ନିୟମ ଲାଗୁ କରୁଛି। ଏହା ସହ କେମିତି ଲୋକେ ଟ୍ରାଫିକ ନିୟମ ମାନି ସଚେତନ ହେବେ ସେନେଇ ରାଜଧାନୀରେ କମିଶନରେଟ ପୋଲିସ ପକ୍ଷରୁ କରାଯାଇଛି ନିଆରା ଟ୍ରାଫିକ ସଚେତନତା।

ଏଥର ଫୁଲ କି ଚକଲେଟ ନୁହେଁ, ମନେ ରଖିବାକୁ ଚାବି ରିଙ୍ଗ ଜରିଆରେ ଦିଆଯାଇଛି ବାର୍ତ୍ତା। ତାସହିତ ସ୍ବତନ୍ତ୍ର ଷ୍ଟିକର ଜରିଆରେ ସଚେତନତା କରିଛନ୍ତି କମିଶନରେଟ ପୋଲିସ ଓ ଇଣ୍ଡିଆନ ୟୁଥ ଆସୋସିଏସନ।

ନାଲକୋ ଛକରେ ଚାଳକଙ୍କୁ ଚାବି ରିଙ୍ଗ ଦେବା ସହ ଚାରି ଚକିଆ ଓ ତିନି ଚକିଆ ଅଟୋରେ 'ମୁଁ ବି ମାନୁଛି' ଭଳି ଷ୍ଟିକର ଜରିଆରେ ଏକ ସଚେତନତା ବାର୍ତ୍ତା ଦିଆଯାଇଛି।

ଯାହାକୁ ଘରେ ବା କୌଣସି ସ୍ଥାନରେ ଦେଖିଲେ, ଯେପରି ଟ୍ରାଫିକ ନିୟମ ପ୍ରତି ଅବଗତ ରହିବେ ଓ ମନେ ରଖିବେ ସେନେଇ ନିଆରା ଢଙ୍ଗରେ ପ୍ରୟାସ କରିଛି କମିଶନରେଟ ପୋଲିସ । ଏବେ ଚାଲାଣ ଭୟରେ ହେଉ ଅଥବା ସୁରକ୍ଷା ନେଇ ଲୋକେ ଢେର ସଚେତନ ହେଲେଣି । ଆଉ ଏଥିପାଇଁ ଗାଡି ଚାଳକଙ୍କ ମଧ୍ୟରେ ହେଲମେଟ ବ୍ୟବହାର ମଧ୍ୟ ବୃଦ୍ଧି ପାଇଛି ।

ମାତ୍ର ଆଗକୁ ଡବଲ ହେଲମେଟ ବ୍ୟବହାର ଅର୍ଥାତ ବାଇକ ଚାଳକର ପଛରେ ବସିଥିବା ଲୋକ ବି କିପରି ହେଲମେଟ ବ୍ୟବହାର କରିବେ। ସେନେଇ ଲୋକଙ୍କୁ ସଚେତନ କରିବାକୁ ଲକ୍ଷ ରଖାଯାଇଛି।

ଭୁବନେଶ୍ବରରୁ ତାପସ ପରିଡା, ଇଟିଭି ଭାରତ