ଭୁବନେଶ୍ବର: ରାଜଧାନୀରେ KBN ଗ୍ୟାଙ୍ଗ ଆତଙ୍କ ଘଟଣାରେ ଧରାପଡିଲା ଗ୍ୟାଙ୍ଗର ମାଷ୍ଟରମାଇଣ୍ଡ । ମାଷ୍ଟରମାଇଣ୍ଡ ବୁବୁ ଜେନାକୁ ଗିରଫ କରିଛି କମିଶନରେଟ ପୋଲିସ । ଏଥିସହ ପୋଲିସ ତା ପାଖରୁ ମାରଣାସ୍ତ୍ର ମଧ୍ୟ ଜବତ କରିଛି ।
ଏହା ମଧ୍ୟ ପଢନ୍ତୁ:-କଟକରେ KBN ଗ୍ୟାଙ୍ଗ; ୩ ଅଟକ, ଚାଲିଛି ତନାଘନା
ତେବେ ରାଜଧାନୀରେ ରାତି ଅଧରେ ଭୟ ସୃଷ୍ଟି କରୁଥିବା KBN ଗ୍ୟାଙ୍ଗ । ଦୀର୍ଘଦିନ ଧରି ପୋସିର ଖୋଳତାଡ ପରେ ଶେଷରେ ମୁଖ୍ୟ ଅଭିଯୁକ୍ତ ଦେବୀ ପ୍ରସାଦ ଜେନା ଓରଫ ବୁବୁ ଜେନାକୁ ଗିରଫ କରିଛି ପୋଲିସ । ଏହି ଗ୍ୟାଙ୍ଗର ୨୬ ଜଣଙ୍କ ନାଁରେ ମାମଲା ରୁଜୁ ହୋଇଥିଲା । ପୂର୍ବରୁ ଗ୍ୟାଙ୍ଗର ୫ଜଣଙ୍କୁ ଗିରଫ କରିଥିଲା ପୋଲିସ । ଏଥିସହ ଗ୍ୟାଙ୍ଗ ସଦସ୍ୟଙ୍କ ଘରେ ରେଡ୍ କରି ମାରଣାସ୍ତ୍ର ସହ ବନ୍ଧୁକ ଜବତ କରିଥିଲା । ବର୍ତ୍ତମାନ ମୁଖ୍ୟ ମାଷ୍ଟରମାଇଣ୍ଡକୁ ଗିରଫ କରାଯାଇ ଥିବାବେଳେ ଗ୍ୟାଙ୍ଗର ଅନ୍ୟ ସଦସ୍ୟଙ୍କୁ ଖୋଜୁଛି ପୋଲିସ ।
ଭୁବନେଶ୍ବରରୁ ତାପସ ପରିଡ଼ା, ଇଟିଭି ଭାରତ
