ଭୁବନେଶ୍ବର: ଆସୁଥିଲେ ରକେଟ ପରି, ଝାମ୍ପି ନେଉଥିଲେ ଛଞ୍ଚାଣ ପରି । ଦିନ ହେଉ ବା ରାତି, ସକାଳ ହେଉ ବା ସନ୍ଧ୍ୟା। ଏମାନଙ୍କ କ୍ରାଇମ୍ ପାଇଁ ଥରହର ହେଉଥିଲା ରାଜଧାନୀ । କାରଣ ଏମାନେ ଗାଡ଼ି ଚୋରି କରୁଥିଲେ। ସେହି ଚୋରା ଗାଡ଼ିରେ ନମ୍ବର ବଦଳାଇ ଧୁମ୍ ଷ୍ଟାଇଲରେ ଝାମ୍ପୁଥିଲେ ମୋବାଇଲ । ଆଖି ପିଛୁଳାକେ ହୋଇଯାଉଥିଲେ ଗାଏବ । ଅର୍ଥାତ ଗୋଟିଏ ଗାଡିରେ ଛିନତାଇ ପରେ ଆଉ ଗୋଟିଏ ଗାଡ଼ି ଧରି ସାଥି ପାଖେ ପାଖେ ବୁଲୁଥିଲେ । ଯଦି ଧରାପଡ଼ିବା ପରିସ୍ଥିତି ଉପୁଜୁଥିଲା ତୁରନ୍ତ ସହଯୋଗୀର ଗାଡ଼ି ବଦଳାଇ ଛୁ ମାରୁଥିଲେ ।
ଚୋରା ଗାଡ଼ିରେ ଛିନତାଇ, ଥରହର କରୁଥିଲେ ରାଜଧାନୀ
ଏପରି ଢଙ୍ଗରେ ଖଣ୍ଡଗିରି ଅଞ୍ଚଳରେ ଜଣେ ଲୋକ ଗ୍ୟାରେଜରୁ ଗାଡ଼ି ଚୋରି ସମୟର ସିସିଟିଭିରୁ ଧରାପଡ଼ିଥିଲା ଜଣେ । ତା’ଠୁ ସୁରାକ ପାଇ ତାଙ୍କ ଆଡ୍ଡା ଉପରେ ଚଢ଼ାଉ ପରେ ସେମାନଙ୍କର ଏକ ଚୋରି ଗାଡିର ଗ୍ୟାରେଜ ଠାବ କରିଥିଲା । ବିଭିନ୍ନ ସ୍ଥାନ ବୁଲି ବାଇକ ଚୋରି କରୁଥିଲେ । ଚୋରି ବାଇକରେ ଲୁଟପାଟ କରୁଥିଲେ । ଏଭଳି ଏକ ଗ୍ୟାଙ୍ଗକୁ ଶେଷରେ ଗିରଫ କରିଛି ଖଣ୍ଡଗିରି ଥାନା ପୋଲିସ ।