ଭୁବନେଶ୍ବର: କନେଷ୍ଟବଳଙ୍କୁ ଦିଆଯାଇଛି ଗାର୍ଡ ଅଫ୍ ଅନର । ମଙ୍ଗଳବାର କାର୍ଯ୍ୟରତ ଅବସ୍ଥାରେ ହଠାତ୍ ଅସୁସ୍ଥ ହୋଇପଡ଼ିଥିଲେ କନେଷ୍ଟବଳ ସୁଶାନ୍ତ ଗୁରୁ । ପରେ ତାଙ୍କର ମୃତ୍ୟୁ ହୋଇଥିଲା ।ବୁଧବାର ରିଜର୍ଭ ପଡ଼ିଆରେ ସୁଶାନ୍ତ ଗୁରୁଙ୍କୁ କମିସନରେଟ ପୋଲିସ ପକ୍ଷରୁ ଗାର୍ଡ ଅଫ୍ ଅନର ଦିଆଯାଇଛି । ଏହି ଅବସରରେ ପୋଲିସ କମିସନର ଓ ଭୁବନେଶ୍ବର ଡିସିପି ଅନୁପ ସାହୁ ଉପସ୍ଥିତ ରହିଥିଲେ ।
ଭିଡିଓ ସୌଜନ୍ୟ: ସମ୍ବାଦଦାତା, ଭୁବନେଶ୍ବର
ସୂଚନା ଅନୁଯାୟୀ, କାର୍ଯ୍ୟରତ ଅବସ୍ଥାରେ ପିସିଆର ଭ୍ୟାନ୍ ଭିତରେ ଟଳି ପଡ଼ିଥିଲେ କନେଷ୍ଟବଳ ସୁଶାନ୍ତ ଗୁରୁ । ରାତି୧୦ ଟା ସମୟରେ ପାଟ୍ରୋଲିଂ କରୁଥିବା ସମୟରେ ହଠାତ୍ ଅସୁସ୍ଥ ହୋଇପଡ଼ିଥିଲେ । ତାଙ୍କୁ ସଙ୍ଗେ ସଙ୍ଗେ କ୍ୟାପିଟାଲ ହସ୍ପିଟାଲରେ ଭର୍ତ୍ତି କରାଯାଇଥିଲା । ସେଠାରେ ମୃତ ଘୋଷଣା କରିଥିଲେ ।