ଭୁବନେଶ୍ବର: ଆପ ଚିହ୍ନିବ ଅପରାଧ। ଲୁଚି କରି ରହିପାରିବେନି ଅପରାଧୀ। ହୋଟେଲ ଓ ଲଜରେ ରହି ଅପରାଧ ଘଟାଉଥିବା ଅପରାଧୀଙ୍କ ଉପରେ ଏବେ ପୋଲିସ ନଜର। ଏଭଳି ଏକ ନୂଆ ଆପ ଲଞ୍ଚ କରିଛନ୍ତି କମିଶନରେଟ ପୋଲିସ ସୌମେନ୍ଦ୍ର ପ୍ରିୟଦର୍ଶୀ ।
କମିସନରେଟ ପୋଲିସ ଲଞ୍ଚ କଲା ଆପ, ଅପରାଧୀଙ୍କୁ ଧରିବା ହେବ ସହଜ
କମିଶନରେଟ ପୋଲିସ ଲଞ୍ଚ କରିଛି ସରାଇ ଆପ । ଯାହା ଜରିଆରେ ପୋଲିସ ଚିହ୍ନଟ କରିବ ଲୁଚିଥିବା ଅପରାଧୀର ପରିଚୟ। ଏଥିପାଇଁ ସରାଇ ଆକ୍ଟର ନିୟମ ଅନୁସାରେ ଗେଷ୍ଟ ହାଉସ ହେଉ ବା ହୋଟେଲ ଧର୍ମଶାଳା ହେଉ ପେଇଙ୍ଗ ଗେଷ୍ଟ ସମସ୍ତଙ୍କ ତଥ୍ୟ ଆପରେ ହେବ ଅପଡେଟ। କେବେ କିଏ ଆସିଲେ। କିଏ କେଉଁଠି ରହିଲେ। ସେମାନଙ୍କ ଅସଲ ପରିଚୟ ଓ ପରିଚୟ ପତ୍ର ଡିଜିଟାଲ ଡାଟା ସବୁ କିଛି ଆପରେ ହେବ ଅପଡେଟ। ଫଳରେ ଅପରାଧୀ ନିଜକୁ ଲୁଚାଇ ରଖିପାରିଵନି ଵେଶି ସମୟ । କାରଣ ପୂର୍ବରୁ ଅନେକ ଘଟଣାରେ ଦେଖିବାକୁ ମିଳିଛି ହୋଟେଲରେ ଅପରାଧୀ ଲୁଚିଥିବାର ଘଟଣା।