ଭୁବନେଶ୍ବର: ଦେଶରେ ନୂଆ ମୋଟରଯାନ ଆଇନ 2019 ଲାଗୁ ହେବାପରେ ପରିବହନ କ୍ଷେତ୍ରରେ ସୁରକ୍ଷା ସ୍ବଛତା ପାଇଁ ରାଜ୍ୟ ସରକାର ଗୋଟିଏ ପରେ ଗୋଟିଏ ପଦକ୍ଷେପ ନେଉଛନ୍ତି । ଯଦିଓ ରାଜ୍ୟ ସରକାର ରାଜ୍ୟରେ 3ମାସ ପାଇଁ ଆଇନକୁ କୋହଳ କରିଛନ୍ତି କିନ୍ତୁ ଭବିଷ୍ୟତ ପାଇଁ ପ୍ରସ୍ତୁତି ଯୋରଦାର କରିଛନ୍ତି । ଖୁବଶୀଘ୍ର କମିସନରେଟ ପୋଲିସକୁ ମିଳିବ ପିଓଏସ ମେସିନ, ଯେଉଁଥିପାଇଁ କର୍ମଚାରୀଙ୍କ ତାଲିମ ମଧ୍ୟ ଆରମ୍ଭ ହୋଇଗଲାଣି ।
ପୋଲିସ ସୂତ୍ରରୁ ମିଳିଥିବା ସୂଚନା ମୁତାବକ ଏହି ପିଓଏସ ମେସିନରେ ସମସ୍ତ ପ୍ରକାର ଗାଡିର ତଥ୍ୟ ରହିବ । ଗୋଟିଏ କ୍ଲିକରେ ହିଁ ଗୋଟିଏର ଇନସ୍ୟୁରାନ୍ସ, ଗାଡି ମାଲିକ, ଡ୍ରାଇଭର, ଡିଏଲ, ରୁଟ ପରମିଟ ଓ ଫିଟନେସ ବାବଦର ବିସ୍ତୃତ ତଥ୍ୟ ମିଳିବ । ଯଦ୍ବାରା ଅତି ସହଜରେ ଖିଲାପକାରୀ କେତେ ଟଙ୍କା ଫାଇନ ଦେବେ ତାହା ଜାଣିହେବ । ଖାଲି ଏତିକି ନୁହେଁ ଜଣେ ଡ୍ରାଇଭର କିମ୍ବା ଗାଡି ମାଲିକ କେଉଁ ନିୟମ ଉଲଘଂନ କରିଛନ୍ତି କେତେ ଟଙ୍କାର ଫାଇନ ଦେବେ ଆପେ ଆପେ ଜଣାପଡିଯିବ । କେବଳ ଏହି ମେସିନରେ ଗାଡି ନମ୍ବରକୁ ଏଣ୍ଟ୍ରି କରିବାକୁ ପଡିବ ।