ଭୁବନେଶ୍ବର: ସାରା ରାଜ୍ୟରେ ଜାରି ରହିଛି ଶୀତ ଲହରୀ । ଖସୁଛି ପାରଦ । ଥଣ୍ଡାରେ ଥରୁଛନ୍ତି ରାଜ୍ୟବାସୀ । ଏହି ସମୟରେ ଶୀତ ଦାଉରୁ ରକ୍ଷା ପାଇବାକୁ କିଏ ଗରମ ବସ୍ତ୍ରର ସାହାରା ନେଉଛି ତ ଆଉ କିଏ ନିଆଁ ଆଗରେ ବସି ସେକି ହେଉଛି। ଆଉ ସକାଳ ସନ୍ଧ୍ୟା ସମୟରେ ଚା' ଦୋକାନ ଆଗରେ ଲାଗୁଛି ଲୋକଙ୍କ ଭିଡ।
ତେବେ ୧୩ ଡିଗ୍ରୀ ତଳେ ୧୦ ସହରର ତାପମାତ୍ରା। ୮.୨ ଡିଗ୍ରୀ ସହ ଝାରସୁଗୁଡା ଓଡିଶାର ସବୁଠୁ ଅଧିକ ଥଣ୍ଡା ସହର ଭାବେ ବର୍ତ୍ତମାନ ରହିଛି। ଫୁଲବାଣୀରେ ୯.୫, ଅନୁଗୁଳରେ ୧୦, ଦାରିଙ୍ଗବାଡିରେ ୧୦, ବାରିପଦାରେ ୧୦.୫, କୋରାପୁଟରେ୧୧, କେନ୍ଦୁଝରରେ ୧୧.୭, ସୁନ୍ଦରଗଡରେ ୧୨, ବଲାଙ୍ଗୀରରେ ୧୨.୪, ବୌଦ୍ଧରେ ୧୨.୫ ଡିଗ୍ରୀ ସହ କଟକରେ ୧୩.୮ଡ଼ିଗ୍ରୀ ଏବଂ ଭୁବନେଶ୍ବରରେ ୧୬.୫ ଡ଼ିଗ୍ରୀ ତାପମାତ୍ରା ରେକର୍ଡ କରାଯାଇଛି।