ଭୁବନେଶ୍ବର: କତାସାମଗ୍ରୀର ବ୍ୟବହାର ଏବଂ ପଲିସିର କାର୍ଯ୍ୟାନ୍ଵୟନ ସମ୍ବନ୍ଧୀୟ ଜାତୀୟ ସମ୍ମିଳନୀ ଶନିବାର ଭୁବନେଶ୍ବର ଠାରେ କୟର ବୋର୍ଡ ପକ୍ଷରୁ ଆୟୋଜିତ ହୋଇଯାଇଛି। ଏହି ସମ୍ମିଳନୀରେ ଓଡ଼ିଶା ପାଇଁ ପାଞ୍ଚ ଗୋଟି କ୍ଲଷ୍ଟରର ଶୁଭ ଭିତ୍ତିପ୍ରସ୍ତର ସ୍ଥାପନ କରାଯାଇଛି। ଏହି ଅବସରରେ କେନ୍ଦ୍ରମନ୍ତ୍ରୀ ପ୍ରତାପ ଷଢଙ୍ଗୀ ଯୋଗ ଦେବା ସହ ବିଭିନ୍ନ ବିଷୟ ଉପରେ ଆଲୋକପାତ କରିଛନ୍ତି।
ତେବେ କତାଶିଳ୍ପ ଏପରି ଏକ ଶିଳ୍ପ ଯାହା କୌଣସି ପ୍ରକାର ଆର୍ଥିକ ମାନ୍ଦାବସ୍ଥା କିମ୍ବା ଅର୍ଥନୈତିକ ଦୁଃସ୍ଥିତିରେ ମଧ୍ୟ ପ୍ରଭାବିତ ହେବାର ସମ୍ଭାବନା ନାହିଁ। କାରଣ ଏହା କାରିଗରୀ ସଂଶ୍ଲିଷ୍ଟ ଏବଂ ପ୍ରଦୂଷଣ ମୁକ୍ତ ଶିଳ୍ପ ହୋଇଥିବାରୁ ଏହାର ଚାହିଦା ଲୋକମାନଙ୍କ ନିକଟରେ ଦିନକୁ ଦିନ ବୃଦ୍ଧିପାଇବାର ଯଥେଷ୍ଟ ସମ୍ଭାବନା ରହିଛି। ଯେଉଁଥିରେ ଯୁବ ବର୍ଗଙ୍କ ପାଇଁ ଆତ୍ମନିଯୁକ୍ତିର ଯଥେଷ୍ଟ ସମ୍ଭାବନା ରହିଥିବା ପ୍ରକାଶ କରିଛନ୍ତି କେନ୍ଦ୍ର ଅଣୁ,କ୍ଷୁଦ୍ର ଓ ମଧ୍ୟମ ଶିଳ୍ପ ବିଭାଗ ମନ୍ତ୍ରୀ ଶ୍ରୀଯୁକ୍ତ ପ୍ରତାପ ଚନ୍ଦ୍ର ଷଢଙ୍ଗୀ।
ସେ ଏହା ମଧ୍ୟ କହିଛନ୍ତି କି ଓଡ଼ିଶାରେ ଯେତେ ପରିମାଣର କତା ସାମଗ୍ରୀର କଞ୍ଚାମାଲ ଉପଲବ୍ଧ ହେଉଛି ତାହା ମଧ୍ୟରୁ ପାଖାପାଖି 18 ପ୍ରତିଶତ ଶିଳ୍ପରେ ବ୍ୟବହୃତ ହେଉଛି। ଏଥିରେ ଅନେକ ସମ୍ଭାବନା ଥିବାବେଳେ କେନ୍ଦ୍ର ସରକାର ଓଡ଼ିଶାର କାରୀଗରମାନଙ୍କ ପାଇଁ 10 ଟି କ୍ଲଷ୍ଟର ନିର୍ମାଣ କରିବାକୁ ସୀକୃତି ପ୍ରଦାନ କରିଥିବା ବେଳେ ପ୍ରଥମ ପର୍ଯ୍ୟାୟରେ 5ଟିର ଶିଳାନ୍ୟାସ କରାଯାଇଛି।