କେହି ନଥିବା ବେଳେ ପଇଡ ଚୋରି, କମିସନରେଟ ପୋଲିସ ଆଣିଲା ବାନ୍ଧି

ପଇଡ ଚୋରୀ ଅଭିଯୋଗରେ ଜଣେ ଗିରଫ । ଭୁବନେଶ୍ବର ରବି ଟକିଜ ରେ ଦେଖିବାକୁ ମିଳିଛି ଏଭଳି ଘଟଣା । ଅଧିକ ପଢନ୍ତୁ...

ଭୁବନେଶ୍ବର: ଘରେ ନ ଥିଲେ ମାଲିକ । ମୌକା ଦେଖି ଚାଲିଥିଲା ପଇଡ ଚୋରି । ଏମିତି ଢଙ୍ଗରେ ରବି ଟକିଜରେ ରହୁଥିବା ଦୀପକ ଭଟ୍ଟାଚାର୍ଯ୍ୟଙ୍କ ନଡିଆ ଗଛରୁ ହେଉଥିଲ ଚୋରି । ଆଉ ଏହି ଚୋରି ଅଭିଯୋଗରେ ଚୋରକୁ ବାନ୍ଧିଲା କମିଶନରେଟ ପୋଲିସ ।

ଖରାରେ ଗଛରୁ ପଇଡ ଚୋରି ହେଉଥିବା ଜାଣିବା ପରେ ଚୋରକୁ ଧରିବାକୁ ଚେଷ୍ଟା କରିଥିଲେ ଦୀପକ । ଏ ନେଇ ସେ ଲିଙ୍ଗରାଜ ଥାନାରେ ଅଭିଯୋଗ କରିଥିଲେ । ଆଉ ଅଭିଯୋଗ ଆଧାରରେ ପୋଲିସ ରାମ ଭୋଇକୁ (50 ) ଙ୍କୁ ଗିରଫ କରିଛି ।

ରାମକୁ ଆପିସିର ଧାରା ୩୭୯,୩୨୩,୨୯୪,୪୪୭,୩୪ରେ ଗିରଫ କରି କୋର୍ଟ ଚାଲାଣ କରିଛି । ତେବେ ଏଥିରେ ଆଉ କିଛି ଚୋର ସମ୍ପୃକ୍ତି ଥିବା ପୋଲିସ ଜାଣିବାକୁ ପାଇଛି ।

ଭୁବନେଶ୍ବରରୁ ତାପସ ପରିଡା, ଇଟିଭି ଭାରତ