ଭୁବନେଶ୍ବର: ଲକଡାଉନ ପାଇଁ ବାହାର ରାଜ୍ୟରେ ଫସି ରହିଥିବା ପ୍ରବାସୀ ଓଡିଆଙ୍କ ଅବସ୍ଥା ନେଇ ଦୁଃଖ ପ୍ରକାଶ କଲେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ବାହାର ରାଜ୍ୟରେ ଫସିରହିଥିବା ଲକ୍ଷ ଲକ୍ଷ ଓଡିଆ ଭାଇ ଭଉଣୀଙ୍କ ଅବସ୍ଥା ଅତ୍ୟନ୍ତ କଷ୍ଟ ଦେଇଥିବା କହିଛନ୍ତି ନବୀନ ।
ପ୍ରବାସୀ ଓଡିଆଙ୍କ ପାଇଁ ଦୁଃଖ ପ୍ରକାଶ କଲେ ନବୀନ
ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ କହିଛନ୍ତି ଯେ, ଲକଡାଉନ ଯୋଗୁଁ ଅନ୍ୟ ରାଜ୍ୟର ତୀର୍ଥ ପାଇଁ ଯାଇଥିବା ଲୋକ, ଛାତ୍ରଛାତ୍ରୀ, ଚାକିରିଆ, ଶ୍ରମିକଙ୍କ ଭଳି ଲକ୍ଷ ଲକ୍ଷ ଓଡିଆ ଭାଇଭଉଣୀ ଫେରି ପାରୁନାହାନ୍ତି । ଓଡିଶା ତଥା ଅନ୍ୟ ରାଜ୍ୟର ଉଦ୍ୟମ ସତ୍ତ୍ବେ ଏମାନଙ୍କ ଅବସ୍ଥା ସ୍ବାଭାବିକ୍ ହୋଇପାରିନାହିଁ । ତେବେ ଲକଡାଉନ ଉଠିଲେ ଏହି ଭାଇଭଉଣୀମାନଙ୍କୁ ବାହାର ରାଜ୍ୟରୁ ଫେରାଇ ଆଣିବା ପାଇଁ କେନ୍ଦ୍ର ସରକାରଙ୍କ ସହ ଆଲୋଚନା କରିବେ ବୋଲି ନବୀନ କହିଛନ୍ତି । ସମସ୍ୟା ବହୁତ ବଡ ହୋଇଥିବାରୁ ଧର୍ଯ୍ୟ ଧରିବାକୁ କହିଛନ୍ତି ମୁଖ୍ୟମନ୍ତ୍ରୀ ।