ଭୁବନେଶ୍ବର: ସ୍ବାସ୍ଥ୍ୟ ବିଭାଗରେ କାର୍ଯ୍ୟକାରୀ ହେବ ମୋ ସରକାର ଓ ନିର୍ମଳ ଯୋଜନା । ରୋଗୀଙ୍କ ସହ ସିଧାସଳଖ କଥା ହେବେ ମୁଖ୍ୟମନ୍ତ୍ରୀ ଓ ସ୍ବାସ୍ଥ୍ୟମନ୍ତ୍ରୀ । ରୋଗୀଙ୍କ ଅଭିଯୋଗ ଶୁଣାଣି ପାଇଁ ହେଉଛି ସ୍ବତନ୍ତ୍ର ବ୍ୟବସ୍ଥା । ଅଭିଯୋଗ ପ୍ରମାଣିତ ହେଲେ ନିଆଯିବ କାର୍ଯ୍ୟାନୁଷ୍ଠାନ। ସିଡିଏମଓ ସମ୍ମିଳନୀରେ ଏହି ସୂଚନା ଦେଇଛନ୍ତି ସ୍ବାସ୍ଥ୍ୟ ମନ୍ତ୍ରୀ ନବ କିଶୋର ଦାସ ।
ଭିଡିଓ ସୌଜନ୍ୟ: ସମ୍ବାଦଦାତା, ଭୁବନେଶ୍ବର
‘ମୋ ସରକାର ଯୋଜନା’ ଆସନ୍ତା ଅକ୍ଟୋବର 2 ରୁ ଆରମ୍ଭ ହେବାକୁ ଥିବାବେଳେ ଏବେ ଠୁ ପ୍ରସ୍ତୁତି ଆରମ୍ଭ କଲେଣି ସରକାର । ମେଡିକାଲକୁ ଆସୁଥିବା ସମସ୍ତ ରୋଗୀ କିଭଳି ଭାବରେ ସୁରକ୍ଷିତ ଓ ସମସ୍ତ ସୁବିଧା ପାଇପାରିବେ ସେ ଉପରେ ଦୃଷ୍ଟି ରଖାଯିବ ।
ସମସ୍ତ ରୋଗୀଙ୍କୁ କିଭଳି ଭାବରେ ତଦାରଖ କରାଯିବ ସେ ନେଇ ଉକ୍ତ ସମ୍ମିଳନୀରେ ଆଲୋଚନା ହୋଇଥିଲା । ନିର୍ମଳ ଯୋଜନାରେ ମଧ୍ୟ ମେଡିକାଲ ଗୁଡିକ ସଫା ରଖିବା, ରୋଗୀମାନେ ବ୍ୟବହାର କରୁଥିବା ବେଡକୁ ସ୍ବଚ୍ଛ ରଖିବା ଓ ମେଡିକାଲରେ ସିକ୍ୟୁରିଟି ବ୍ୟବସ୍ଥାକୁ ସୁଦୃଢ଼ କରିବା ପାଇଁ ମନ୍ତ୍ରୀ ନିର୍ଦ୍ଦେଶ ଦେଇଛନ୍ତି ।