ଭୁବନେଶ୍ବର: ଆଜି ବସିବ ମନ୍ତ୍ରୀ ପରିଷଦ ବୈଠକ । ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଅଧ୍ୟକ୍ଷତାରେ ବସିବ ବୈଠକ । ନବୀନଙ୍କ 5ମ ପାଳିର ଦ୍ବିତୀୟ ଥର ମନ୍ତ୍ରୀମଣ୍ଡଳ ଗଠନ କରିସାରିଛନ୍ତି । ଇତି ମଧ୍ୟରେ ସବୁ ମନ୍ତ୍ରୀ ଦାୟିତ୍ବ ମଧ୍ୟ ନେଇ ସାରିଛନ୍ତି । ଆଜି ପ୍ରଥମ ମନ୍ତ୍ରୀ ପରିଷଦ ବୈଠକ ବସିବ । ଲୋକସେବା ଭବନରେ ସନ୍ଧ୍ୟା 5ଟା 30ରେ ବୈଠକ ବସିବ ।
ଏଥିରେ ସରକାରଙ୍କ ବିଭିନ୍ନ ଜନକଲ୍ୟାଣକାରୀ ଯୋଜନା ସମ୍ପର୍କରେ ଓ ବଜେଟ ବିଷୟରେ ଆଲୋଚନା ହେବ । ଏହା ସହ ଅନ୍ୟାନ୍ୟ ଗୁରୁତ୍ବପୂର୍ଣ୍ଣ ବିଷୟ ଉପରେ ନିଷ୍ପତ୍ତି ହେବ ବୋଲି ସୂଚନା ମିଳିଛି । 2019 ନିର୍ବାଚନ ଇସ୍ତାହାରରେ ବିଜେଡି ଅନେକ ପ୍ରତିଶ୍ରୁତି ଦେଇଥିଲା । ଉକ୍ତ ପ୍ରତିଶ୍ରୁତି ପାଳନରେ ବିଭିନ୍ନ ବିଭାଗ କିଭଳି କାର୍ଯ୍ୟ କରିଛନ୍ତି । ସେ ନେଇ ବୈଠକରେ ସମୀକ୍ଷା ହୋଇପାରେ ।