ଭୁବନେଶ୍ବର: ଉଦଯାପିତ ହୋଇଯାଇଛି ‘କଲ୍ଲୋଳ ୨୦୨୧-ଶିଶୁ ମହୋତ୍ସବ’। ଭୁବନେଶ୍ବରର ଏକ ଘରୋଇ ହୋଟେଲରେ ମହୋତ୍ସବ ହୋଇଯାଇଥିବାବେଳେ ଚଳିତ ବର୍ଷ ପିରିୟଡ ଟକ(Talk on Menstruation Cycle) ଥିମ ରହିଥିଲା । ଋତୁସ୍ରାବ ଲଜ୍ଜା ନୁହେଁ, ପରିଚ୍ଛନ୍ନତାର ପ୍ରସଙ୍ଗ ବୋଲି କାର୍ଯ୍ୟକ୍ରମରେ ଆଲୋଚନା କରାଯିବା ସହିତ ପିଲାମାନଙ୍କ ଦ୍ବାରା ୬ଟି କ୍ଷୁଦ୍ର ଚଳଚ୍ଚିତ୍ର ନିର୍ମାଣ ହୋଇଛି ।
ସ୍ବେଚ୍ଛାସେବୀ ସଂଗଠନ ‘ଆଇନା’ ଓ UNICEF ଓଡି଼ଶାର ସହଭାଗିତାରେ ଆୟୋଜିତ ହୋଇଥିଲା ‘କଲ୍ଲୋଳ-୨୦୨୧’ର ଶିଶୁ ମହୋତ୍ସବ । 'ଋତୁସ୍ରାବ ସମ୍ବନ୍ଧୀୟ ପରିଚ୍ଛନ୍ନତା' ବିଷୟରେ ଶିଶୁଙ୍କ ଦ୍ବାରା ପ୍ରସ୍ତୁତ ୬ଟି କ୍ଷୁଦ୍ର ଚଳଚ୍ଚିତ୍ର ପ୍ରଦର୍ଶିତ ହୋଇଯାଇଛି । ୨୬ ଜଣ ପିଲାଙ୍କ ଦ୍ବାରା ନିର୍ମିତ ଚଳଚ୍ଚିତ୍ରଗୁଡିକ ମାସିକ ଋତୁସ୍ରାବ ଓ ଏହି ସମୟର ସ୍ବଚ୍ଛତା ଉପରେ ଆଧାରିତ ହୋଇଛି । ଭୁବନେଶ୍ବରର ତପୋବନ ହାଇସ୍କୁଲ ଓ କଳାହାଣ୍ଡି ଜିଲ୍ଲାର ମାଣିକେଶ୍ବରୀ ହାଇସ୍କୁଲରେ ୯ ଦିନିଆ କର୍ମଶାଳା ଆୟୋଜିତ କରାଯାଇଥିଲା ।
Theme on Kallola 2021: ଲଜ୍ଜା ନୁହେଁ, ପରିଚ୍ଛନ୍ନତାର ପ୍ରସଙ୍ଗ ଋତୁସ୍ରାବ